დღეს ესთეტიკური მედიცინა მუდმივად ვითარდება. სწორედ ამიტომ ამ სფეროში აუცილებელია არ ჩამორჩე ტენდენციებს და მუდმივად იყო ორიენტირებული განვითარებასა და პროფესიულ ზრდაზე. ჟურნალი OK! გაგაცნობთ ექიმ-კოსმეტოლოგ თამარ ხახიშვილს, რომლისთვისაც პაციენტების დახმარება ყველაზე მნიშვნელოვანია. თუ რომელი პროცედურაა დღეს ყველაზე მოთხოვნადი, და სხვა საინტერესო საკითხის შესახებ თამარი თავად გვიამბობს.
უპირველესად, გაეცანით ჩვენს მკითხველს.
პროფესიით ვარ ექიმი-ეპიდემიოლოგი, ჯანდაცვის მენეჯმენტის მაგისტრი და ექიმი-კოსმეტოლოგი. ყოველთვის მაინტერესებდა ესთეტიკის სფერო, კოსმეტოლოგია კი ზუსტად ისაა, სადაც ამ მიზიდულობის ძალამ მიმიყვანა. მედიცინა არის სფერო, რომელიც მოითხოვს პროფესიონალიზმს, მუდმივ განვითარებას, თავდადებას და ხშირად თავგანწირვასაც.
ამჟამად ვმუშაობ ორ ადგილას − მრავალპროფილურ კლინიკაში „ნითა“, სადაც ქალბატონებს ვთავაზობთ არა მხოლოდ ხარისხიან დერმატო-კოსმეტოლოგიურ მომსახურებას, არამედ რეპროდუქტოლოგიურ, გინეკოლოგიურ, ენდოკრინოლოგიურ სერვისს, ასევე კლინიკო-ლაბორატორიული კვლევის სრულ სპექტრს უახლესი თაობის აპარატურით.
რაც შეეხება მეორე სამსახურს, ეს არის „რ&ჯ სილამაზის სახლი“ − პრემიუმკლასის სალონი, რომლის მფლობელი და ტოპ-სტილისტი რიდვან სემიჰია. მას სხვადასხვა ქვეყანაში მუშაობის 15-წლიანი გამოცდილება აქვს. ეს არის ადგილი, სადაც უცხოელ და ქართველ მომხმარებლებს კვალიფიციური სპეციალისტები ემსახურებიან.
რომელია ყველაზე მოთხოვნადი პროცედურა?
ყველაზე მოთხოვნადი პროცედურა არის ბოტულინოთერაპია (ბოტოქსი) და ტუჩის კორექცია. პოსტკოვიდურ პერიოდში კი გაიზარდა მოთხოვნა თმის ცვენის სამკურნალო საშუალებებზე, როგორიცაა პლაზმოთერაპია და მეზოთერაპია.
გვესაუბრეთ პაციენტებისადმი თქვენს მიდგომაზე.
ყველა პაციენტს სჭირდება განსაკუთრებული მიდგომა. ყოველთვის ვცდილობ დავეხმარო მათ, რომ არ დაკარგონ ინდივიდუალიზმი. რაც შეეხება მათ ნდობას, აუცილებელია იყო პაციენტებთან გულწრფელი, არასდროს შეწყვიტო კომუნიკაცია, დღის ნებისმიერ მონაკვეთში მზად უნდა იყო აბსოლუტურად ყველა შეკითხვაზე პასუხის გასაცემად და მათ დასახმარებლად.
როგორია თქვენი სილამაზის ფორმულა?
ხშირად მეკითხებიან თუ რა არის სილამაზე, ჩემი პასუხი კი ყოველთვის ცალსახაა: სილამაზის აღქმა ძალიან სუბიექტურია. როგორც ექიმი, მე ვცდილობ პაციენტებს დავეხმარო ინდივიდუალიზმის შენარჩუნებაში. და მაინც, სილამაზე − ეს არის საკუთარი თავის რწმენა და ქარიზმა. ჩემთვის არ არსებობს სილამაზის სტანდარტი. როგორც კოკო შანელი იტყოდა, არ არსებობს ულამაზო ქალი, არსებობს ზარმაცი.
თავად როგორ უვლით სახის კანს?
რა თქმა უნდა, მეც მაქვს საკუთარი სახის კანის მოვლის რუტინა: ვიბან სწორად შერჩეული დასაბანი გელით, ვიყენებ დამატენიანებელ კრემს და spf-ის შემცველ საშუალებებს. ასაკის მატებასთან ერთად დგება პერიოდი, როდესაც გარეგანი საშუალებები ვეღარ გვეხმარება ახალგაზრდობის შენარჩუნებაში, ამიტომ სამ თვეში ერთხელ ვიკეთებ ბიორევიტალიზაციას და თვეში ერთხელ პლაზმოთერაპიას.
სამომავლო გეგმები…
ჩემი საყვარელი სიტყვებია: „აკეთე ის, რაც გიყვარს და შენ არასდროს მოგიწევს მუშაობა“. ვცდილობ მუდმივად განვვითარდე და არ გავჩერდე. ხშირად ვმონაწილეობ საერთაშორისო კონგრესებში, ახლახან ვიყავი პარიზში, იმკას-ის (international master course on aging science) საერთაშორისო კონგრესზე, ასევე „კოლხიდა“ და ITC (international transcaucasus congress). არ შემიძლია არ აღვნიშნო, რომ იმკას-ის კურსი იყო საოცარი, cadaver-გამოცდილება, გვქონდა შესაძლებლობა გვამებზე გვემუშავა, შევხვდი ჩემს უცხოელ კოლეგებს და ერთმანეთს გავუზიარეთ გამოცდილება. აგრეთვე, გავეცანით ესთეტიკური მედიცინის თანამედროვე მიდგომებსა და სიახლეებს. ზამთარშიც მიწვეული ვარ იმკას-ის მომდევნო კონგრესზე, რომელიც ასევე პარიზში გაიმართება და გაზაფხულზე მონაკოში, AMWC-ზე (Aesthetic and Anti-Aging Medicine World Congress-ზე).
საკონტაქტო ინფო:
https://www.instagram.com/dr.tamara_khakhishvili/?igshid=NmZiMzY2Mjc%3D&fbclid=IwAR05PdIVMGgH9G5ru7OVysS7MEMKkGo3EbX5eojSvSYobOWH2eWFU3ftx4M
555 560 299 თამარ ხახიშვილი
ტექსტი: სოფიო მალანია
