შენობის შიდა მოპირკეთება ძალიან მნიშვნელოვანი პროცესია, რომლისთვისაც აუცილებელია ხარისხიანი მასალის შერჩევა, რათა სასურველი შედეგი მივიღოთ. „კნაუფი“ კი გთავაზობთ მაღალ სტანდარტებს მორგებულ პროდუქციას, რომელიც შიდა მოპირკეთებას უფრო მარტივს, ეფექტურსა და სწრაფად დასრულებადს გახდის. კომპანიის შესახებ დეტალური ინფორმაციისთვის OK! გაესაუბრა ჟურნალისტ სალომე დადუნაშვილს, რომლის გადაცემის წარმდგენიც გახლავთ „კნაუფი“.
გვიამბეთ თქვენი და „კნაუფის“ თანამშრომლობის შესახებ.
ჩემი და „კნაუფის“ თანამშრომლობა დაიწყო მაშინ, როდესაც ჩვენ ტელეკომპანია „მთავარზე“ დავიწყეთ პროექტი „ახალი სახლი“ და ჩვენი წარმდგენი გახდა კომპანია „კნაუფი“. აღსანიშნავია, რომ ეს არ ყოფილა ჩემი პირველი შეხება ამ კომპანიის პროდუქციასთან, ვინაიდან შიდა მოპირკეთება ჩემთვის ნაცნობი საკითხია და მაქვს გარკვეული გამოცდილება ამ მიმართულებით. შესაბამისად, ყოველთვის ვიცოდი, რომ მოსაპირკეთებელი სამუშაოების დროს სჯობდა გამომეყენებინა „კნაუფის“ პროდუქცია. დროთა განმავლობაში დავრწმუნდი იმაშიც, რომ რასაც გპირდება ეს კომპანია, იმას აუცილებლად ასრულებს.
რა არის ის მთავარი ნიშა, რაც „კნაუფს“ გამოარჩევს.
ეს არის კომპანია, რომელიც სოციალური თვალსაზრისით ძალიან პასუხისმგებლობიანია. მათ საკუთარი სახსრებით ააშენეს კომპანიის ოფისი და გახსნეს მაღალ სტანდარტებს მორგებული აკადემია, რომელიც განკუთვნილია ყველასთვის. აღნიშნული სასწავლო ცენტრები წარმოდგენილია თბილისში, ქობულეთსა და კასპში. „კნაუფის“ აკადემია იძლევა უნიკალურ შესაძლებლობას ყოველგვარი გადასახადის გარეშე ისწავლოს ნებისმიერმა მსურველმა ხელობა. ვინაიდან დღესდღეობით ძალიან ჭირს კარგი ხელოსნის პოვნა, რომელსაც ექნება მაღალი პასუხისმგებლობა, ეს სასწავლო ცენტრი დაეხმარება ყველა მსურველს, ვინც ჩაეწერება კურსებზე, ცოდნის გაღრმავებასა და პრაქტიკის მიღებაში. აგრეთვე მინდა აღვნიშნო ისიც, რომ აღარ მეგულება სამშენებლო მოედანი, სადაც „კნაუფის“ პროდუქციას არ იყენებენ, რადგან ეს არის სწრაფად მოპირკეთების საუკეთესო საშუალება. რაც შეეხება მასალას, მაღალი ხარისხისაა და უმეტესად საქართველოშია დამზადებული.
რატომ უნდა აირჩიოს საზოგადოებამ „კნაუფი“?
„კნაუფში“ წარმოდგენილი პროდუქცია ყველა კლიმატური პირობის მიმართ მდგრადობით გამოირჩევა და ზუსტად ისეთივე ხარისხისაა, როგორც ეს ეტიკეტზეა მითითებული.
გვესაუბრეთ „კნაუფის“ მიერ დასრულებული პროექტების შესახებ.
ჩვენი გადაცემა უკვე მეორე სეზონია, რაც ეთერში გადის. აღსანიშნავია, რომ ყველა მათგანში გამოყენებულია „კნაუფის“ პროდუქცია. ვინაიდან ჩვენ ისეთ სივრცეებში ვმუშაობთ, სადაც კედლები და ჭერი ხშირ შემთხვევაში ძალიან ცუდ მდგომარეობაშია, „კნაუფის“ თაბაშირმუყაო საუკეთესო გზაა კონსტრუქციული სამუშაოების შემდეგ მათ გასასწორებლად. ყოველივე ეს არის უაღრესად ეფექტური და სწრაფი გზა. შესაბამისად, ჩვენს ნებისმიერ გადაცემაში შეგიძლიათ ნახოთ, თუ რამხელა სხვაობაა მათ შორის რაც იყო და როგორიც გახდა სახლი „კნაუფის“ პროდუქციით გარემონტებისა და მოპირკეთების შემდეგ.
ტექსტი: მარიამ მთივლიშვილი
ფოტო: ალექსეი სეროვი
