ქალებს გვაინტერესებს, თუ რისგან შედგება ცნობილი ადამიანების და „ინფლუენსერების“ დღის რუტინა. თავის მოვლის რუტინა გვეხმარება საკუთარი კანის გაუმჯობესებაში. სანამ ინსტაგრამის ინფლუენსერების დღის რუტინას გავეცნობით, მინდა ყველას გვახსოვდეს, რომ გვიყვარდეს ჩვენი თავი (კანი) ისეთი, როგორიც ვართ ცხოვრების ყველა ეტაპზე. ჩვენი უფლებაა, გვენდომება თუ არა მისი გაუმჯობესება. და მაინც, რისგან შედგება ცნობილი ინფლუენსერების თავის მოვლის რუტინა…
Shay Mitchell − შეი მიტჩელი ინსტაგრამის ერთ-ერთი ყველაზე ცნობილი ინფლუენსერია, მას 31,6 მილიონი მიმდევარი ჰყავს. VOGUE-თან ინტერვიუში ის საუბრობს თავის დღის რუტინაზე. მისი დილა სახის დაბანით იწყება, სახის გასაწმენდად კი Shani Darden Skin Care Cleansing Serum-ს იყენებს. ინფლუენსერის შემდეგი ნაბიჯი ყინულის როლები და თვალის „პაჩებია“, რომელიც კარგად ატენიანებს თვალების ქვეშ კანს. ის ასევე, იყენებს ნიღბებს შუბლისა და ტუჩების დასატენიანებლად. როგორც შეი აღნიშნავს, მის რუტინაში ბევრი ნიღაბია, არა მხოლოდ სახის დასატენიანებლად, არამედ დეკოლტეს არესთვის.
Tash Galgut − მოდელი და ინფლუენსერია. მისი თავის მოვლის რუტინის განუყოფელი ნაწილი წყალია. ის დიდი რაოდენობით წყალს სვამს დღის განმავლობაში. როგორც მოდელი აღნიშნავს, ასევე დიდ ყურადღებას უთმობს ჯანსაღ კვებას.
„როცა ჯანსაღად ვიკვებები, ჩემი კანი ბევრად ჯანსაღად გამოიყურება. თუ მივიღებ რაფინირებულ შაქარს ან ზედმეტ მარილს, ჩემს სახეზე აკნეც მაშინვე ჩნდება“.
მოდელი დილას თბილი წყლის აბაზანებით იწყებს. კვირაში ერთხელ იყენებს სკრაბს. როგორც ის გვაფრთხილებს, არასოდეს უნდა გამოვიყენოთ სკრაბი, რომელიც შეიცავს პლასტმასას მიკრომძივებს.
სილამაზის საუკეთესო რჩევა, რომელიც მიგიღიათ: დალიე ბევრი წყალი, წყალი და მხოლოდ წყალი!
სილამაზის საუკეთესო ხრიკი: ცივი ლითონის კოვზები შეშუპებისთვის, მწვანე ჩაის პაკეტები თვალების ქვეშ. გამოიყენეთ ნეფრიტის როლიკერი, რომელიც აუმჯობესებს სისხლის მიმოქცევას, ამცირებს ანთებას და ანათებს კანს.
Tanielle Jai − ვიზაჟისტი და ინფლუენსერი აღნიშნავს, რომ სანამ სხვას მაკიაჟს გაუკეთებს, მისგან რაღაც სასწაულის მოლოდინი აქვთ. „თითქოს ელოდებიან როდის ამოვიღებ ჯადოსნურ ჯოხს და წავშლი მათ სახეზე ნაოჭის ხაზებს… აუცილებელი, რაც მაკიაჟამდე უნდა გააკეთოთ, ეს არის კანის კარგი დატენიანება“.
გთავაზობთ ვიზაჟისტის რუტინას, რომელსაც ასრულებს, ვიდრე მაკიაჟს გაიკეთებს ან სხვას გაუკეთებს:
- სახის გასუფთავება − აუცილებელია დარწმუნდეთ, რომ მოიშორეთ ზედმეტი ცხიმი, ჭუჭყი და თავის მოვლის საშუალებები ან მაკიაჟის ნარჩენები სახიდან. „მე ვიყენებ ბიოდერმას sensibio მიცერალურ გამწმენდს მგრძნობიარე კანისთვის“.
- შემდეგი ნაბიჯი კი კანის დამატენიანებელი სპრეია. რეკომენდებული პროდუქტი: Mario Badescu Sprays, ხოლო თუ კანი მგრძნობიარეა, ინფლუენსერი გვირჩევს „ბიოდერმას“ ან Embryolisse-ის დამატენიანებელს.
ელენე გოგავა – ქართველი ინფლუენსერი
„ჩემი ყოველი დილა წყლის დალევით იწყება, შემდეგი ნაბიჯი სახის გაწმენდაა. ჩემი კანი აკნესკენ არის მიდრეკილი და მუდმივად სპეციალურად შერჩეული პროდუქციის გამოყენება მიწევს, ესენია Cetaphil-ის დასაბანი ქაფი და შემდგომ დამატენიანებელი, რომელიც SPF-ს შეიცავს; ამ პროდუქციის პარალელურად აუცილებლად ვიყენებ Zeg-ის თვალის პაჩებს, რომელიც აქტიურად ებრძვის თვალებთან წვრილი ნაოჭების წარმოქმნას და ღრმად ატენიანებს კანს. სახის კანის მოვლა უპირველესად იწყება შინაგანად – წყლის საჭირო რაოდენობით მიღება, ვარჯიში და სწორი, დაბალანსებული კვება გვიან დაბერების საიდუმლოს მთავარი გასაღებია“.
