OK! Fashion Book ქართული ბრენდის „ლილიენის“ შესახებ გიამბობთ, რომელსაც ჩვენი მკითხველი უკვე კარგად იცნობს. ეს არის სამოსის ბრენდი, რომელიც გამოირჩევა ელეგანტურობით, დახვეწილი და კლასიკური დიზაინით და მომხმარებელს სთავაზობს მაღალ ხარისხსა და ხელმისაწვდომ ფასს. ამ და სხვა საინტერესო საკითხებთან დაკავშირებით „ლილიენის“ დამფუძნებელს, ლილიენ აგლაძეს ვესაუბრეთ.
„ლილიენი“უკვე გაიცნო ჟურნალ OK!-ის მკითხველმა. ამჯერად გვიამბეთ, რა სიახლეები აქვს ბრენდს?
დიახ, ქართული ბრენდი „ლილიენი“ უკვე გაიცნო ჟურნალ OK!-ის მკითხველმა. ამჯერად გვინდა სიახლეების შესახებ გიამბოთ და გახაროთ, რომ ქართველი დიზაინერების კუთხეში უკვე ვანთავსებთ სტენდს, სადაც მომხმარებელს შესაძლებლობა ექნება, უშუალოდ ადგილზე მოირგოს და შეიძინოს სამოსი.
ქალის თეთრეულის ხაზზეც გვიამბეთ.
დავამატეთ ქალის თეთრეულის ხაზი, რომელიც იქმნება ეკოლოგიურად სუფთა, უმაღლესი ხარისხის ქსოვილებისგან. აღსანიშნავია, რომ ვკერავთ ინდივიდუალურად, მომხმარებლების აგებულებიდან გამომდინარე, რათა ჩვენი პროდუქცია ყველა ქალბატონისთვის მარტივად ხელმისაწვდომი იყოს.
კიდევ რას სთავაზობთ საზოგადოებას?
ამაზე წინა ნომერშიც ვისაუბრეთ და კვლავ აღვნიშნავ, მომხმარებელს ვთავაზობთ მაღალ ხარისხსა და ხელმისაწვდომ ფასს. ასევე მინდა ვახსენო, რომ „ლილიენის“ დახვეწილი დიზაინის სამოსი მაღალი ხარისხის ქსოვილებით მზადდება, როგორიცაა აბრეშუმი, ტილო და სალსა. ამასთან ერთად, ჩვენთან ძირითადად კლასიკური სტილის სამოსია წარმოდგენილი.
გვესაუბრეთ ბრენდის ნიშაზე. როგორია „ლილიენის“ სტილი?
„ლილიენს“ გამოარჩევს ის განსაკუთრებული დიზაინი, რასაც მომხმარებელს ვთავაზობთ. აღსანიშნავია, რომ მუდმივად ვცდილობ საზოგადოებას შევთავაზო ჩემი იდეები და სწორედ ეს ხდის ჩვენს პროდუქციას ინდივიდუალურსა და განსხვავებულს. ჩემი ინსპირაცია კი Old money style-ა, რაც, ვფიქრობ, ნელ-ნელა უფრო ტრენდული ხდება საზოგადოებაში.
ამასთან, მუდმივად ვცდილობ განვაახლო კოლექციები და მომხმარებელს სიახლეები შევთავაზო, თუმცა ის ნიშა, რომლითაც „ლილიენმა“ საზოგადოებას თავი დაამახსოვრა, არასოდეს დავკარგო.
სამომავლო გეგმები გაგვიზიარეთ.
სამომავლოდ, რასაკვირველია, გვსურს გაფართოება და საკუთარი ფილიალის გახსნა, სადაც ჩვენს მომხმარებლებს შესაძლებლობა ექნებათ, იხილონ და მოირგონ „ლილიენის“ სრული კოლექცია.
