NB Atelie-ს უკვე კარგად იცნობს OK!-ის მკითხველი. ეს არის ბრენდი, რომელიც მრავალი წლის განმავლობაში ერთგულად ემსახურება მის მომხმარებელს და მუდმივად განახლებულ კოლექციას სთავაზობს. თუ რა სიახლეებით დაუბრუნდა ამჯერად ბრენდი საზოგადოებას NB Atelie-ს დამფუძნებელი ნატა ბერიძე გვიამბობს.
NB Atelie პირველად არ არის OK!-ის ობიექტივში. ამჯერად რა სიახლეები გაქვთ ჩვენი მკითხველისთვის?
NB Atelie ყოველთვის მრავალფეროვნებით გამოირჩეოდა და გამოირჩევა. ახლაც ყოველთვიურად ვმუშაობთ ახალ იდეებზე, ვცდილობთ ყველანაირად გავაუმჯობესოთ ჩვენი კოლექციები, შევმატოთ ის დეტალები, რაც მომხმარებლებს თავს კიდევ უფრო უნიკალურად და განსაკუთრებულად აგრძნობინებს. ჩვენთან სამოსი იქმნება სიყვარულით.
სიახლეებს რაც შეეხება წინა წლებთან შედარებით, ჩემი ბრენდი უფრო წარმატებული და მოთხოვნადი გახდა როგორც საქართველოში, ასევე საზღვარგარეთ.
მიუხედავად დაბრკოლებებისა მეამაყება, რომ შევძელი ჩემი ბრენდის პოპულარიზაცია ნიუ-იორკში, ქართული მოდის ფესტივალზე, რამაც დიდი წარმატება მოგვიტანა. ჩვენებაზე თითქმის მთელი კოლექცია გაიყიდა და შევიძინეთ უამრავი ერთგული მომხმარებელი. გვეამაყება, რომ ასეთი შესაძლებლობები გვეძლევა, რაც რა თქმა უნდა ჩვენი მომხმარებლების დამსახურებაა.
რას სთავაზობთ მომხმარებლებს?
ვცდილობთ ჩვენი მომხმარებლებისთვის შევქმნათ ისეთი სამოსი, რითიც ისინი თავს უნიკალურად იგრძნობენ. ჩვენი მიზანია ვიყოთ განსხვავებული ყველა კოლექციის შექმნისას, რათა წარვადგინოთ მრავალფეროვანი, ხარისხიანი და განსხვავებული ხასიათის სამოსი.
როგორია შემოდგომა-ზამთრის კოლექცია?
შემოდგომა ზამთრის კოლექციში დავამატეთ ორეულები ქართული ხასიათის ელემენტებით გაფორმებული, რასაც უდიდესი მოწონება და გამოხმაურება მოყვა ჩვენი მომხმარებლების მხრიდან.
ხარისხზეც გვიამბეთ.
რაც შეეხბა მასალას, ირჩევა დიდი დაკვირვებითა და შემოწმებით. მინდა მაქსიმალურად მაღალი ხარისხის ქსოვილი შევთავაზოთ ჩვენს მომხმარებელს და შევუქმნა სწორად და ხარისხიანად დამუშავებული სამოსი.
რა გამოარჩევს NB atelie-ს სხვა ბრენდებისგან?
NB Atelie გამოირჩევა მომხმარებლებზე ზრუნვით და დაბრკოლებებთან ადვილად გამკლავების უნარ-ჩვევებით. ეს შედეგი კი ბევრ წლიან გამოცდილებას მოითხოვს. ჩვენ ვცდილობთ მაქსიმალურად დავეხმაროთ მომხმარებელს აირჩიოს და მოირგოს სასურველი სამოსი, მივცეთ მათ კომფორტული და ხარისხიანი სამოსი და დავაკმაყოფილოთ მათი მოთხოვნები მაქსიმალურად. NB Atelie არის ბრენდი, რომელიც ზრუნავს თავის ერთგულ მომხმარებელზე სიყვარულით.
