„ადამიანური რესურსების მართვის პროფესიონალთა ასოციაცია“ (HRPA Georgia) 10 ოქტომბერს სასტუმრო „შერატონ გრანდ მეტეხი პალასში“ გამართავს ყველაზე მასშტაბურ HR კონგრესს საქართველოში. ღონისძიება შეეხება თემას – „HR & OD სტანდარტები: გლობალური აღიარება“, რომელიც ფოკუსირდება შემდეგ მიმართულებებზე:
ინდივიდუალური პროფესიული აღიარება | საერთაშორისო HR სერტიფიცირება
ორგანიზაციული სრულფოფა – გლობალური აკრედიტაცია, ინკლუზიური გარემო და ანგარიშგების საუკეთესო სტანდარტები.
კონგრესზე დამსწრეებს შესაძლებლობა ექნებათ, გაეცნონ საერთაშორისო HR და ორგანიზაციული სერტიფიცირების ბენეფიტებს, შეხვდნენ 500-ზე მეტ HR პროფესიონალსა და ბიზნეს ლიდერს, ასევე სფეროთი დაინტერესებულ პირებს. კონგრესის მონაწილეებს ექნებათ უნიკალური შესაძლებლობა შეხვდნენ დარგის ისეთ საერთაშორისო პროფესიონალებს, როგორიცაა: დეივიდ დი’სუზა – ყველაზე დიდი ისტორიის მქონე გლობალური HR გაერთიანების – CIPDის პროფესიის განვითარების დირექტორი.
ზაჰიდ მუბარიქი – ISO სტანდარტების თანაავტორი, საერთაშორისო დონის ექსპერტი ექსკლუზიურად HR Congress 2025-ისთვის მთავარ სცენაზე განიხილავს ISO სტანდარტებს ადამიანური კაპიტალის ანგარიშგებისა და ხარისხის მართვის მიმართულებით. გარდა ამისა, კონგრესში მონაწილე პირებს ექნებათ შესაძლებლობა მიიღონ 3 კრედიტი HRCI-სგან, რომელიც გლობალური ლიდერია HR პროფესიონალების სერტიფიცირებისა და სწავლების სფეროში.
HR კონგრესზე დასასწრები ბილეთების გაყიდვა უკვე აქტიურ ფაზაშია და შესაძლებელია ონლაინ შეძენა საიტზე : https://tkt.ge/show/27071/hr-congress-2025-hr-od-standards-global-performance-driver
პირველად საქართველოში HR კონგრესი შექმნის ცოდნის გაზიარების, ნეტვორკინგისა და გლობალური HR&OD სტანდარტების მიმოხილვის საუკეთესო პლატფორმას, რომელიც მონაწილეებს დაეხმარება გადადგან მნიშვნელოვანი ნაბიჯი ადგილობრივი და საერთაშორისო წარმატებული HR კარიერისთვის.
ასოციაციის შესახებ: საქართველოში „ადამიანური რესურსების მართვის პროფესიონალთა ასოციაცია აზიარებს საერთაშორისო ცოდნასა და ინოვაციებს ადამიანური რესურსებისა და ორგანიზაციული განვითარების სფეროში. მისი მიზნებია ადამიანური რესურსების, როგორც ადამიანური და ორგანიზაციული განვითარების ერთ-ერთი მთავარი სფეროს, შესახებ ცნობიერების ამაღლება, საქართველოში აღნიშნული სფეროს განვითარება საერთაშორისო სტანდარტებისა და საუკეთესო პრაქტიკის ინტეგრაcიის გზით და HR პროფესიონალების კომპეტენციის ამაღლება. მეტიც, HR ასოციაციის ამოცანაა იკვლიოს, თუ რა სურათია ამ დარგის მიმართულებით ქვეყანაში.აღნიშნულ კონგრესს ისინი ყოველწლიურად მასპინძლობენ.
აღსანიშნავია, რომ ასოციაციის შუამდგომლობით საქართველოში დასაქმებული HRსპეციალისტები ხვდებიან და ისმენენ სფეროს წამყვანი სპეციალისტების გამოცდილებას. როგორც HRპროფესიონალთა ასოციაციის პრეზიდენტი, სერგო ნოზაძე, ამბობს: „HR პროფესიონალები ყოველთვის არიან იქ, სადაც არიან ადამიანები. იქნება ეს სახელმწიფო, საჯარო თუ არასამთავრობო სექტორი“.
