დღესდღეობით ძალიან ბევრი ადამიანი უარს ამბობს თამბაქოს მოწევაზე და მათი უმრავლესობა ელექტრონულ სიგარეტზე გადადის. ცნობილია, რომ ამ უკანასკნელის მოხმარება ნაკლებად მავნებელია, ვიდრე სიგარეტის, რადგან ვეიპები არ შეიცავს დიდი რაოდენობით მავნე ქიმიკატებს. დღეს გიამბობთ კომპანია „ეიჩქიუდი ჯორჯიას“ შესახებ, რომელიც ელექტროსიგარეტების წამყვანი ბრენდის HQD-ს ექსკლუზიური წარმომადგენელია საქართველოში.
(ოთარ ჯაფარიძე, დამფუძნებელი): „ეიჩქიუდი ჯორჯია“ ახალგაზრდა და მოტივირებული ადამიანების გუნდია, რომელიც მუდმივი განვითარებით, პროგრესითა და თანამედროვე მსოფლიო ტენდენციებითაა შთაგონებული. უკვე 2 წელია, საქართველოში ელექტროსიგარეტების წამყვან ბრენდს HQD-ს ექსკლუზიურად წარმოვადგენთ და საზოგადოებას მოწევის შედარებით უსაფრთხო ალტერნატივას ვთავაზობთ.
აღსანიშნავია, რომ HQD 2014 წელს დაფუძნდა და დღეს ამ ინდუსტრიაში მსოფლიოში ერთ-ერთი მოწინავე ტექნოლოგიური კომპანიაა, როგორც საბაზრო წილის, ასევე ინოვაციურობისა და კვლევა-განვითარების კუთხით.
რა გამოგარჩევთ ბაზარზე?
(ოთარ ჯაფარიძე): მინდა აღვნიშნო, რომ საქართველოში ბევრისთვის ელექტროსიგარეტი სწორედ HQD-ის ვეიპთან ასოცირდება და მათი გამოყენება ერთგვარი ტრენდიც კი გახდა.
HQD-ის მაღალტექნოლოგიური წარმოება, კვლევა-განვითარებისა და დიზაინერების ძლიერი გუნდი საშუალებას გვაძლევს, ჩვენს მომხმარებლებს ელექტროსიგარეტების გამორჩეული ხარისხი და მრავალფეროვანი ასორტიმენტი შევთავაზოთ. ამასთანავე, ვცდილობთ, B2B ურთიერთობებში დავნერგოთ ახალი, უფრო მაღალი სტანდარტი, რაც პარტნიორებს შორის სრულ გახსნილობასა და დასახული მიზნებისთვის ინტენსიურ, ერთობლივ მუშაობას გულისხმობს.
როგორ შეაფასებდით სქართველოში პოზიციონირების ორ წელს?
(აკაკი გველესიანი, კომერციული დირექტორი): მიუხედავად ბევრი გამოწვევისა, განვლილი ორი წლის განმავლობაში ჩვენმა გუნდმა დასახულ მიზნებს თითქმის სრულყოფილად მიაღწია – შევძელით ბრენდის საზოგადოებისთვის წარდგენა და გაცნობა, ძლიერი პარტნიორული ურთიერთობების ჩამოყალიბება, საიმედო ლოჯისტიკური სისტემის შექმნა და ბაზრისთვის ფართო ასორტიმენტის შეთავაზება. რაც ყველაზე მთავარია, HQD Georgia მაღალი ხარისხის, პრემიალურ ბრენდად პოზიციონირდა ბაზარზე, გვყავს ათასობით ერთგული მომხმარებელი, რაც მომავალი განვითარებისა და წინსვლის დიდ სტიმულს გვაძლევს.
(ბინგლინგ ლიუ, გაყიდვების მენეჯერი): ქართულ ბაზარზე შემოსვლა შეგვიძლია შევაფასოთ წარმატებულად. ამ ორი წლის განმავლობაში შესანიშნავად ვიმუშავეთ. კომპანიის გუნდის თითოეულ საკონტაქტო პირთან კომუნიკაცია შედეგზე ორიენტირებული და საკმაოდ სწრაფი იყო.
აღსანიშნავია, რომ კომპანია ეფექტურად პასუხობს მსოფლიო ბაზრის გამოწვევებს და საკმაოდ კარგად აფართოებს პროდუქციის ასორტიმენტს. ხანდახან გვაქვს განსხვავებული მოსაზრებები, თუმცა საბოლოოდ ყოველთვის შეგვიძლია ვიპოვოთ ბალანსი და წინ წავიწიოთ შეუფერხებლად, რასაც ძალიან ვაფასებ.
როგორია თქვენი სამომავლო გეგმები?
(ბინგლინგ ლიუ): HQD აგრძელებს მსოფლიოს გაოცებას თავისი ინოვაციური და მრავალფეროვანი მოდელებით. ჩვენ ვცდილობთ ვიპოვოთ მომხმარებლისთვის ყველაზე სასურველი ფორმები და არომატები, რათა ჩვენი პროდუქცია კიდევ უფრო უსაფრთხო და გარემოსთან თავსებადი გავხადოთ. წარმომადგენლობითი თვალსაზრისით, ვფიქრობთ, ავირჩიეთ ერთ-ერთი ყველაზე ძლიერი პარტნიორი კავკასიის რეგიონში HQD Georgia-ს სახით. გვჯერა, რომ ჩვენი თანამშრომლობა კიდევ უფრო დიდ წარმატებას მოიტანს.
(აკაკი გველესიანი): HQD Georgia-ს მუდმივი კომუნიკაცია გვაქვს ჩვენს მომხმარებლებსა და პარტნიორებთან, რაც გვეხმარება, მარტივად აღმოვაჩინოთ პრობლემური საკითხები და ვიპოვოთ ახალი სივრცეები განვითარებისთვის. სულ ცოტა ხნის წინ გასაყიდად გამოვიტანეთ ახალი მოდელები, რომლებმაც საკმაოდ კარგი გამოხმაურებები დაიმსახურა. მიმდინარე წლის გეგმები მათ განვითარებასა და ბაზარზე დამკვიდრებას ემსახურება. ამასთან ერთად, ვგეგმავთ გაყიდვების ახალი არხების შექმნას, რაც საშუალებას მოგვცემს, უფრო ახლოს ვიყოთ ჩვენს მომხმარებელთან და ჩვენი პროდუქციის შეძენის ახალი გამოცდილება შევთავაზოთ.
