Green Life Construction ქართული კომპანიაა, რომელიც უკვე წლებია ბაზარზე პოზიციონირებს და წარმატებით ინარჩუნებს ხარისხს, რაც ყველაზე მნიშვნელოვანი კომპონენტია იმისათვის, რათა შეინარჩუნო საზოგადოების ნდობა სამშენებლო სფეროში. კომპანია დაკომპლექტებულია მაღალკვალიფიციური კადრებით, რომლებიც დეტალებზე მაქსიმალურად არიან ორიენტირებულნი და მომხმარებელს სთავაზობენ შედეგს, რომელიც არცერთ მათგანს არ დატოვებს უკმაყოფილოს. ჟურნალი OK! კომპანიის ექაუნთ-მენეჯერებს − ხატია გოლეთიანსა და ნინი ასპინძელაშვილს ესაუბრა, რომლებმაც უფრო ვრცლად და დეტალურად გვიამბეს Green Life Construction-ის საქმიანობის შესახებ.
გაგვაცანით კომპანია Green Life Construction. რამდენი ხანია, რაც ქართულ სამშენებლო ბაზარზე გამოჩნდა, და როგორ დაიბადა იდეა?
(ნინი): Green Life Construction 2017 წლიდან პოზიციონირებს სამშენებლო ბაზარზე. ჩვენ ვართ როგორც დეველოპერები, ასევე კონტრაქტორები. იდეა გაჩნდა საირმის ქუჩის მიმდებარედ − ბურძგლას ქ. 72 ნომერში, სადაც ჩვენი კერძო სახლი იდგა და ირგვლივ გარშემორტყმული კორპუსების გამო მივიღეთ გადაწყვეტილება ამ სახლის ნაცვლად აგვეშენებინა 7-სართულიანი საცხოვრებელი კორპუსი.
კორპუსის მშენებლობის პროცესი ძალიან სასიამოვნოდ და საინტერესოდ მიმდინარეობდა. მივიღეთ დიდი გამოცდილება და გადავწყვიტეთ ეს საქმე ბიზნესად გარდაგვექმნა. საბურთალოს პროექტის შემდეგ დავიწყეთ მშენებლობა ოქროყანაში და ასევე, კონტრაქტორობა სხვა დიდ კომპანიებთან, როგორიცაა „სიმეტრია“ – „ჰოლიდეი ინნ ექსპრესი“ ავლაბარში, „ჰილტონის“ აპარტამენტები − ბათუმში, ასევე, „ალიანსის“ „მარიოტის“ ლობი-მეზანინის ნაწილი − ბათუმში, გუდაურის „მარკო პოლო“, „გუდაური − შალე“, კახეთის „რადისონის“ კორტები და ძველი შენობების აღდგენა; წინანდლის ვილა, კურდღელაურის რანჩო − 7 ტბის გამაგრებითი სამუშაოები და სხვადასხვა. ამჟამად ნუცუბიძეზე დავიწყეთ მესამე პროექტის მშენებლობა.
რას სთავაზობთ საზოგადოებას?
(ნინი): ჩვენ დამკვეთებს ვთავაზობთ სრულ სამშენებლო-სარემონტო პრემიუმკლასის მომსახურებას, რომელიც დააკმაყოფილებს საერთაშორისო სტანდარტს − როგორც მშენებლობისა და გამოყენებული მასალების ხარისხით, ასევე კომპლექსში არსებული მომსახურებითა და ინფრასტრუქტურით. ძირითადად ვასრულებთ სასტუმროების, ინდივიდუალური სახლებისა და სხვა დანიშნულების ობიექტების მშენებლობა-გარემონტებას, ინჟინერიას, შიდა და გარე მოსაპირკეთებელ სამუშაოებს და სხვა. დიდი გამოცდილება გვაქვს სპორტული მოედნების, აუზებისა და სპაცენტრების კუთხითაც.
გვესაუბრეთ დასრულებულ პროექტებზე. სად მდებარეობს?
(ხატია): როგორც ნინიმ აღნიშნა, პირველი დასრულებული პროექტი მდებარეობს საბურთალოზე, ბურძგლას ქ. 72 ნომერში, მეორე − ოქროყანაში, ც. დადიანის 3 ნომერში. ეს პროექტი განსაკუთრებულია თავისი მდებარეობით. ირგვლივ გარშემორტყმულია რეკრეაციული ზონა, სადაც 120 უნიკალური ჯიშის ხეა დარგული, არის სუფთა ჰაერი და პანორამული ხედი თბილისზე. ბოლო სართულზე 30-მეტრიანი ღია საცურაო აუზია, საიდანაც კიდევ უფრო საოცარია ირგვლივ არსებული ულამაზესი სიმწვანე. რაც მთავარია, თბილისის ცენტრიდან არის ძალიან ახლოს − თავისუფლების მოედნიდან 3 კმ-ში, ქალაქის სიახლოვეს, თან − ქალაქის ხმაურისგან მოშორებით.
როგორ მდგომარეობაშია ბინები?
(ხატია): ბინებს ძირითადად ვაბარებთ ე.წ. თეთრი ან მწვანე კარკასის მდგომარეობით: კომუნიკაციები და ცენტრალური გათბობის მილები შეყვანილი, იატაკი მოჭიმული, კედლები − გათეთრებული, სარემონტოდ გამზადებული.
რატომ უნდა ავირჩიოთ Green Life Construction? გვესაუბრეთ კომპანიის უპირატესობებზე.
(ხატია): კომპანია დაკომპლექტებულია მაღალკვალიფიციური საინჟინრო კადრებით, პროექტის მენეჯერებით, ფინანსისტებითა და იურისტებით. ჩვენი გუნდი თავდაუზოგავად შრომობს იმისათვის, რომ კლიენტებს მიაწოდოს სრული ხარისხიანი მომსახურება სამშენებლო სფეროში.
გვესაუბრეთ ხარისხზე.
(ხატია): რა თქმა უნდა, ხარისხს ვანიჭებთ უდიდეს მნიშვნელობას და სწორედ ამ მიდგომით ვცდილობთ კლიენტების ნდობის გამართლებას. ვცდილობთ მუდმივად გავიზარდოთ და გავაუმჯობესოთ ჩვენი ცოდნა, გამოცდილება, რაც აისახება კიდეც ჩვენ მიერ წარმატებით შესრულებული უამრავი პროექტითა და კმაყოფილი დამკვეთებით. ამ სფეროში უკმაყოფილებაც გარდაუვალია, ალბათ დამეთანხმებით. მთავარია ყურადღებით ვეკიდებით ამ საკითხს და ვცდილობთ უმოკლეს დროში გადავჭრათ წარმოქმნილი პრობლემები.
როგორია კომპანიის სამომავლო გეგმები?
(ნინი): სამომავლოდ გვინდა მეტი ცოდნისა და გამოცდილების მიღება ამ სფეროში, მეტი პროექტი და ხარისხი, რითაც მუდმივად ვიამაყებთ. ასევე, გვსურს ინტერიერის დიზაინის ნაწილის დამატება, რაც კიდევ უფრო სრულყოფილ სერვისს შექმნის ჩვენი პოტენციური კლიენტებისთვის.
FB: GLC • Green Life Construction
Mail: [email protected]
glc-geo.com
Tel: 544 441 400
