მრავალწლიანი ისტორია და სიახლისკენ სწრაფვა ტრადიციების მივიწყების გარეშე − ეს ის ღირებულებებია, რომლებმაც „დუგლაძეების ღვინის კომპანია“ „სუხიშვილებს“ დაუკავშირა. სწორედ ასე შედგა მათი კოლაბორაცია, რომელიც გვიამბობს ისტორიას, თუ როგორია ყოველდღიური შრომა განვითარებისთვის. თითქმის ყველა დიდი ტრადიცია, თავისი დროის ინოვატორების მიერ შეიქმნა. მუხლჩაუხრელმა შრომამ და განვითარებაზე განუწყვეტელმა ზრუნვამ კი მათ უკვდავება შესძინა.
დუგლაძეების ღვინის კომპანიამ, თავისი დაარსებიდან დღემდე, მოახერხა ხარისხიანი ქართული ალკოჰოლური სასმელების წარმოებისთვის იმ მყარი საფუძვლის შექმნა, რომელიც წლიდან წლამდე ვითარდებოდა და იზრდებოდა.
სწორედ ამ კამპანიის ფარგლებში, „დუგლაძეების ღვინის კომპანიამ“ სრულიად განაახლა თავისი ბრენდის ალკოჰოლური სასმელების სამწლიანი, ხუთწლიანი, VS და VSOP-შეფუთვები, რითაც უფრო მეტად დახვეწა ისინი. ეს არის ნათელი მაგალითი იმისა, თუ როგორ შეიძლება შეერწყას მრავალწლიანი ისტორიის მქონე ტრადიციული გემო თანამედროვეობას.
კამპანიის მთავარი სათქმელიც ეს არის. წინსვლა და ევოლუცია ხომ კაცობრიობის უმთავრესი უნარია. როცა განვითარებისა და გაუმჯობესების სურვილი გვამოძრავებს, შეგვიძლია ყველაზე ტრადიციულ გემოსაც მუდმივად ახალი სიცოცხლე შევძინოთ. სწორედ შეუქცევადი პროგრესი ქმნის განვითარების ტრადიციას, რაც თავის მხრივ, მთავარი იდეის მარადიულობას უზრუნველყოფს.
დუგლაძეების ღვინის ბრენდი − „განვითარების ტრადიცია“.
ტექსტი: მარიამ მთივლიშვილი
ფოტო: სერა ძნელაძე
