90-იანი წლების ერთ-ერთი ყველასათვის საყვარელი სატელევიზიო სერიალ “მეგობრების” მსახიობი ჯეიმს მაიკლ ტაილერი 59 წლის ასაკში გარდაიცვალა.
მიუხედავად იმისა, რომ ჯეიმსს ისეთ ფილმებში აქვს მონაწილეობა მიღებული როგორებიცაა Sabrina, Just Shoot Me! და Motel Blue, ფართო საზოგადოებამ ის სერიალ “მეგობრებში” პერსონაჟ განტერის მეორეხარისხოვანი როლის შესრულებით გაიცნო.
რამდენიმე თვის წინ სერიალის სპეციალურ ეპიზოდში მსახიობმა განაცხადა, რომ 2018 წელს მას პროსტატის კიბოს დიაგნოზი დაუსვეს და რამდენიმე წლის განმავლობაში მკურნალობის კურსს გადიოდა.
გარდაცვალების მიზეზად სწორედ კიბოსთან ბრძოლა დასახელდა.