ფიტნესცენტრი FIT Factory 2022 წლიდან წარმატებით ოპერირებს ბაზარზე. მულტიფუნქციური ცენტრი აერთიანებს როგორც სატრენაჟორო დარბაზს, ისე პილატესს, იოგას, აერობიკას, სპინინგაქტივობას და სხვა კლასებს. გარდა ამისა, „ფიტ ფაქტორი“ მომხმარებელს სასიამოვნო და მეგობრულ გარემოს ჰპირდება. თუ რა გამოარჩევს „ფიტ ფაქტორს“ ბაზარზე, ამის შესახებ უფრო ვრცლად მის დამფუძნებელსა და სასტუმრო „სანის“ მფლობელს, ორი შვილის დედას, ასმათ ნიშნიანიძეს ვესაუბრეთ.
რა არის თქვენი ფიტნესცენტრის კონცეფცია?
წლებია ვვარჯიშობ და ჯანსაღი ცხოვრების წესით ვცხოვრობ. ჩემი მიზანი იყო, საზოგადოებისთვის შემეთავაზებინა პრემიუმხარისხის დარბაზი, სადაც მომხმარებელი სასიამოვნოს სასარგებლოსთან შეთავსებას შეძლებდა.
რაც შეეხება ფიტნესკლუბის კონცეფციას, მარტივია და ის გარკვეულწილად ჯანმრთელობასთან ასოცირდება. ეს არის ფიზიკური ჯანმრთელობის თანხვედრა მენტალურ ჯანმრთელობასთან, რაშიც, დამერწმუნეთ, ვარჯიში ძალიან გვეხმარება, რადგან ამაღლებს განწყობასა და თვითშეფასებას.
რა სერვისებს სთავაზობთ მომხმარებელს?
„ფიტ ფაქტორი“ მომხმარებელს სთავაზობს როგორც პრემიუმხაზის ტრენაჟორებით მომსახურებას, ასევე პილატესს, იოგას, აერობიკას, სპინინგაქტივობას. დარბაზში ფუნქციონირებს მასაჟის კაბინეტი და მომხმარებელს ემსახურება მინი კაფე.
რა გამოგარჩევთ ბაზარზე?
უპირველესად, გამოვირჩევით მომხმარებლისადმი განსაკუთრებული მიდგომითა და უშუალობით.
აქ მომუშავე ყველა ფიტნესინსტრუქტორი არის სერტიფიცირებული და საკუთარი საქმის პროფესიონალი.
ასევე, გამოგვარჩევს სასიამოვნო და მაქსიმალურად მეგობრული გარემო.
ჩემი მიზანია ბევრი კმაყოფილი მომხმარებელი. მინდოდა ხალისიანი, თავისუფალი, სიყვარულითა და სინათლით სავსე ადამიანი მენახა „ფიტ ფაქტორში“.
რას ეტყოდით იმ ადამიანებს, ვინც ახლა აპირებენ ვარჯიშის დაწყებას?
ვეტყოდი, რომ ვარჯიშის დაწყება მარტივია, მაგრამ მისი ყოველდღიურ რუტინაში გადატანა – საკმაოდ ძნელი.
ვარჯიში არის ერთგვარი პასუხისმგებლობა საკუთარი თავის მიმართ. ვარჯიშით იუმჯობესებთ ჯანმრთელობას, იღებთ საკუთარი სხეულის საუკეთესო ვერსიას, ეს ყველაფერი კი ისახება ადამიანის განწყობასა და თვითშეფასებაზე, რაც მოგცემთ საშუალებას, თქვენი ოცნების მომავალი შექმნათ.
რა არის წარმატებული ბიზნესის გარანტი?
წარმატებული ბიზნესის საწინდარია გჯეროდეს საკუთარი თავის. მნიშვნელოვანია ფრთები შეასხა იდეას და იმოქმედო, რაც თავდაუზოგავ შრომას მოითხოვს. არ უნდა დანებდე და გადალახო ყველა გამოწვევა.
შეუძლებელი არაფერია, როცა გინდა სურვილი რეალობად აქციო.
სამომავლო გეგმები…
არასდროს ვჩერდები და მუდმივად ვცდილობ განვვითარდე. ამ მომენტში ვმუშაობ მასშტაბურ პროექტზე, რომლის კონცეფციაც იგივეა და ადამიანების გაბედნიერებას მოემსახურება. მჯერა, რომ ესეც ისეთივე წარმატებული იქნება, როგორიც ჩემი წინამორბედი პროექტები.
ტექსტი: სოფიო მალანია
ფოტო: ალექსეი სეროვი