ყოველი წარმატებული ისტორიის უკან არის გზა, ხანდახან რთული, ხანდახან კი სასიამოვნო აღმოჩენებით სავსე. დიმიტრი კირხანიდის საკონსულტაციო ცენტრის Finup-ის გზა ორი კლიენტითა და ერთი თანამშრომლით დაიწყო, დღეს კი ბევრ კლიენტს და სხვადასხვა მომსახურების მიმართულებას აერთიანებს. ეს არის ამბავი ადამიანის, რომელმაც ნულიდან შექმნა წარმატებული კარიერა.
დიმიტრის სხვა პროფესიაზე არასოდეს უფიქრია, თავიდანვე გააზრებული ჰქონდა, რომ ეკონომიკა უნდა აერჩია. პირველი კურსიდან, სწავლის პარალელურად, მუშაობდა. სამი წელი გენერალური დირექტორის თანაშემწედ, სადაც ტექნიკურად ბევრი ისწავლა, შემდეგ გადავიდა ინვესტორთან. ათამდე ინვესტორთან ითანამშრომლა როგორც ბუღალტერმა, იურისტმა და თანაშემწემ, რამაც პროფესიულად გაზარდა და უდიდესი გამოცდილება შესძინა. ამის შემდეგ კი შექმნა კომპანია – Finup.
გზა, რომელიც დღევანდელ დღემდე გაიარეთ…
ამ გზაზე, ყველაზე მნიშვნელოვანი ის იყო, რომ მუშაობა ორი კლიენტითა და ერთი თანამშრომლით დავიწყე, დღეს 15 გუნდის წევრი და 80-მდე კლიენტი გვყავს. დასაწყისში მქონდა ბუღალტრული მომსახურება, დღეს კი ჩვენ მიერ შემოთავაზებული საკონსულტაციო მომსახურება მოიცავს იურიდიულ, ლოგისტიკურ, ფინანსურ, საგადასახადო და იუსტიციის სრულ მომსახურებას. ძალიან კომფორტულია, როდესაც ადამიანს ერთ სივრცეში შეუძლია აღნიშნული სერვისების გამოყენება.
გვიამბეთ რებრენდინგზე….
გვქონდა რებრენდინგი, დიმჰოლდინგმა შეიცვალა სახელი და გახდა Finup-ი. დავამატეთ ლოგისტიკა და ფინანსური მომსახურებები საზღვრებს გარეთ. ჩვენი კომპანიის ფინანსისტი აწარმოებს საქმეს როგორც ევროპაში ასევე ამერიკაში.
ზოგადად, ძალიან მნიშვნელოვანია გუნდი, მიხარია, რომ ნამდვილი პროფესიონალები მუშაობენ ჩვენთან. ჩვენს გუნდში არიან ახალგაზრდა ექსპერტები, რომლებიც, არა მხოლოდ ანგარიშებს აწარმოებენ, არამედ მუდმივად აკვირდებიან ცვლილებებსა და სიახლეებს ფინანსურ და იურიდიულ სფეროებში. ჩვენ ვამაყობთ ჩვენი პროფესიონალიზმითა და უნარით, რომ სწრაფად ჩავუღრმავდეთ ჩვენი მომხმარებლის პრობლემებს ეფექტური გადაწყვეტილებების უზრუნველსაყოფად.
მყავს მოწვეული ფინანსისტი, რომელიც საზღვრებს გარეთ მუშაობდა სხვადასხვა ინვესტორებთან, ძალიან გამოცდილია და ყველა დიდ საქმეში მეხმარება.
რა გაძლევთ მოტივაციას?
მოტივაციას მაძლევს ფიქრი დიდ წარმატებაზე. მოტივაციაც და მიზანიც არის – მქონდეს ერთ-ერთი საუკეთესო კომპანია. მქონდეს შესაძლებლობა, დავასაქმო პროფესიონალი კადრები და მივცე მათ შესაფერისი ანაზღაურება.
ამასთანავე, მინდა ვიყო მაგალითი ახალგაზრდებისთვის, მინდა იცოდნენ, რომ არათუ ნულიდან, მინუსებიდან დავიწყე საქმე. წარმატებისკენ მიმავალ გზაზე არაერთ დაბრკოლებას შეხვდებით, მეც მქონია შეცდომები ბიზნესში, რის შედეგადაც გარკვეული ფინანსური ვალდებულება მქონდა, თუმცა, ამის გამო არ დავნებდი, არ გავჩერდი და გავაგრძელე გზა.
თავისუფალ დროს რისი კეთება გიყვართ? რა არის თქვენი გატაცება?
ჩემთვის ბედნიერებაა დასვენება, განტვირთვა და მეგობრებთან ერთად დროის გატარება. ასევე მიყვარს მოგზაურობა.
სამომავლო გეგმები…
ჩვენ ვგეგმავთ, გავიდეთ საზღვარგარეთის ფართომასშტაბიან ბაზარზე. ჩვენი მიზანია, გრძელვადიანი და ერთგული ურთიერთობის დამყარება ინვესტორებთან, რაც, თავისთავად, ორმხრივ ძალისხმევასა და ჩართულობას გულისხმობს, რისთვისაც ჩვენ ყოველთვის მზად ვართ. გელით „დიმიტრი კირხანიდის საკონსულტაციო ცენტრში“, სადაც გრძელვადიანი ურთიერთობა მოკლე ვადებში იწყება!
ტექსტი: სოფიო მალანია
ფოტო: ალექსეი სეროვი
