დიდი დრო არ გასულა მას შემდეგ, რაც ქუთაისში თანამედროვე სტანდარტების შესაბამისი ტექნიკითა და ესთეტიკური სილამაზისადმი ინოვაციური მიდგომებით გამორჩეული ცენტრი – „დესე“ გაიხსნა. მაღალი პასუხისმგებლობის გრძნობით აღჭურვილი გუნდი მუდმივ რეჟიმში ცდილობს, მომხმარებელს კეთილგანწყობითა და პროფესიონალიზმით თავი დაამახსოვროს. როგორც ესთეტიკური ცენტრის დამფუძნებელი, თათა მაჩალაძე, ჟურნალ „OK! ქუთაისს“ უყვება, მისი მთავარი მიზანი ამ სფეროში მრავალფეროვანი და უწყვეტი განათლების მიღებაა, რაც სამომავლოდ უფრო მასშტაბური მიზნების რეალიზებაში დაეხმარება.
როგორ დაიბადა ესთეტიკური ცენტრის დაარსების იდეა?
თითოეული ქალისთვის მნიშვნელოვანია გამოიყურებოდეს ლამაზად და იყოს ბედნიერი. მე მჯერა, რომ თავდაჯერებულობამ შეიძლება დიდი გავლენა მოახდინოს საერთო კეთილდღეობაზე. მე-8 წელია ვარ ესთეტიკურ მედიცინაში და ვებრძვი ცელულიტს. ვმუშაობდი თბილისში, ნათია ნუცუბიძესა და შალვა აბულაძესთან ერთად, „დავით ტატიშვილის ესთეტიკურ ცენტრსა“ და კლინიკა „ჯეო სვისში“. დიდი წარმატებით ვართმევდით თავს იმ პრობლემის მოგვარებას, რომელიც ქალების 80%-ს აწუხებს. ამჟამად ვმუშაობ კლინიკა „ჰერაში“. ქუთაისში ჩამოსვლისას ვთქვი, რომ ქალბატონებს აუცილებლად შევთავაზებდი ანტიცელულიტური მომსახურების სრულ და ინოვაციურ პაკეტს, ასევე, ბუნებრივი მეთოდით, მასაჟით და 100%-ით ნატურალური აპარატურით სახისა და ტანის გაახალგაზრდავებას. ამიტომ გადავწყვიტე გამეკეთებინა ჩემი ხაზი. რამდენიმე თვეა, რაც ბაზარზე გამოჩნდა „დესე“, თუმცა უნდა აღინიშნოს, რომ ჩვენთან ყველა სპეციალისტი არის მრავალწლიანი გამოცდილებით, თავიანთი საქმის პროფესიონალები.
გაგვაცანით ის გარემო, რომელიც ადგილზე მოსულ ადამიანებს ხვდებათ.
„დესე“ არის რეაბილიტაციისა და ესთეტიკის ცენტრი, რომელიც მდებარეობს ქუთაისში, რუსთაველის 77 ნომერში. აქ დაგხვდებათ პროფესიონალთა გუნდი, რომელიც მუდმივად იმაღლებს კვალიფიკაციას. მომხმარებლებს ვუქმნით თბილ და მზრუნველ გარემოს. ჩვენ ორიენტირებულები ვართ თითოეული მათგანის სურვილებსა და საჭიროებებზე, ამიტომ პროცედურებამდე ვატარებთ უფასო კონსულტაციას და საჭიროების მიხედვით ვადგენთ ინდივიდუალურ პაკეტებს.
რა პროცედურებს სთავაზობთ მომხმარებელს?
მომხმარებლებს ვთავაზობთ ბუნებრივი მეთოდებით სახისა და ტანის გაახალგაზრდავებას. თუმცა გვყავს მოწვეული ექიმი-ინიექციონისტი, რომელიც ჩაწერების მიხედვით გვეწვევა თბილისიდან. ასევე მოწვეული ექიმი-რადიოლოგი, რომელიც აკეთებს ყველანაირ ექოსკოპიას, წოდებით პროფესორ-აკადემიკოსი, მედიცინის მეცნიერებათა დოქტორი. გვყავს ვიზაჟისტი და ფრჩხილის საუკეთესო სპეციალისტები, რომლებიც არა მხოლოდ ესთეტიკური, არამედ სამედიცინო მიმართულებითაც მკურნალობენ ფრჩხილს. ცენტრში არის როგორც ნემსით, ასევე დიოდური ლაზერით ეპილაცია. ასევე ჩვენთან ტარდება ესთეტიკური გინეკოლოგია, რომელსაც ატარებს კლინიკა „გაგუა“-დან მოწვეული ექიმი.
რა განასხვავებს „დესე“-ს სხვა ესთეტიკური ცენტრებისგან?
პირველი, რაც სხვა ესთეტიკური ცენტრებისგან განგვასხვავებს არის ის, რომ ქუთაისში პირველად შემოვიტანე უახლესი თაობის LPG endermologie-ს აპარატი, რომელსაც აქვს FDA სერტიფიკატი და მსოფლიოში აღიარებულია, როგორც ლიდერი ანტიცელულიტური აპარატი. მსოფლიო მეცნიერებმა და მკვლევრებმა აღიარეს, რომ მასზე უკეთ ვერაფერი კურნავს ცელულიტს. ასევე, უნდა აღვნიშნო ლაზერის აპარატი Candela Medical-ი, რომელიც სამსხივიანი სამედიცინო აპარატია. ამასთან, აქვს FDA სერტიფიკატი, რაც გულისხმობს იმას, რომ აკმაყოფილებს ყველა საერთაშორისო სტანდარტს. გარდა თანამედროვე და მაღალი ხარისხის მომსახურებისა, სამუშაო გრაფიკიც განსხვავებული გვაქვს, მომხმარებლებს ჩვენი სერვისებით საღამოს ათ საათამდე შეუძლიათ ისარგებლონ, რაც ძალიან კომფორტულია იმ ადამიანებისთვის, ვისაც დატვირთული დღის რეჟიმი აქვთ. ქუთაისში სხვა არცერთი ესთეტიკური ცენტრი არ მუშაობს ამ დრომდე.
გუნდი, რომელიც ქმნის წარმატებულ ბიზნესს…
„დესე“ არის ნამდვილად მაღალკვალიფიციური პროფესიონალებისგან შემდგარი გუნდი. თითოეული ჩვენგანის მიზანია მომხმარებლის კმაყოფილება, მათი საჭიროებებისა და სურვილების დაკმაყოფილება და მაქსიმალური შედეგის მიღწევა.
როგორია თქვენი სამომავლო გეგმები?
ვფიქრობ, ძალიან საინტერესო და კარგი სიახლე შემოვიტანე ქუთაისში, თუმცა ეს დასაწყისია. მე ყოველთვის ვზრუნავ საკუთარი თავისა და საქმიანობის განვითარებაზე. 31 წლის ასაკში მეორედ ჩავაბარე ერთიანი ეროვნული გამოცდები და ვარ „ფიზიკური მედიცინისა და რეაბილიტაციის“ ფაკულტეტის სტუდენტი, რადგან სამომავლო გეგმაში მაქვს ცენტრის განვითარება სამკურნალო მიმართულებით, ანუ იქნება არა მხოლოდ ესთეტიკური რეაბილიტაცია და მასაჟი, არამედ სამკურნალო სარეაბილიტაციო ცენტრი.
ტექსტი: მაკუნა შავგულიძე
ფოტო: ნინი გორდაძე
