39 წლის მომღერალი ეშლი რობერტსი არაჩვეულებრივი გემოვნებით და ჩაცმის სტილით გამოირჩევა. პაპარაცების ობიექტივში ის საკმაოდ ხშირად ხვდება, თუმცა მიუხედავად ამისა ფანებს იმედებს არასოდეს უცრუებს, რადგან მუდამ შესანშნავად გამოიყურება. ვარსკვლავმა გამონაკლისი არც ამჯერად დაუშვა, როდესაც ლონდონის ქუჩებში გამოჩნდა.
ჯგუფ Pussycat Dolls-ის სოლისტმა დიზაინერ Olivia Rubin-ის სამოსი მოირგო. მას 250 ფუნტის ღირებულების ფერადი კაბა და ასეთივე, 230 ფუნტის ღირებულების მოსაცმელი ეცვა, რომელსაც ვარდისფერი, მაღალქუსლიანი ფეხსაცმელი და თეთრი, Yves Saint Laurent-ის ჩანთა შეუხამა.
