კინოკომპანია „20th Century Fox“-მა „ეშმაკი ატარებს პრადას 2“-ის პირველი თიზერი და პოსტერი გამოაქვეყნა.
მოკლე, 52-წამიან ვიდეო რგოლში, წითელ სტილეტოებში გამოწყობილი მირანდა პრისლი, რომლის როლსაც მერილ სტრიპი ასრულებს, Runway-ს დერეფნებში ამაყად მიაბიჯებს. ლიფტში მას ყოფილი ასისტენტი, ენდი საქსი ხვდება, რომლის როლსაც რა თქმა უნდა, ენ ჰეთუეი ასრულებს.
„დიდხანს გელოდი“ – ამბობს მირანდა, ენდის კი ეღიმება და შავ სათვალეს იკეთებს.
მაყურებლის საყვარელი ფილმის „ეშმაკი ატარებს პრადას“-ს გაგრძელება ჟურნალ Runway-ის მთავარი რედაქტორის, მირანდა პრისლის ისტორიას გვიამბობს, რომელიც ცდილობს კარიერის შექმნას სამყაროში, სადაც ბეჭდური ჟურნალისტიკა გადარჩენისთვის იბრძვის. მალე მირანდა თავის ყოფილ უმცროს ასისტენტს, ემილი ჩარლტონს (ემილი ბლანტი) ხვდება. ამჟამად ის მნიშვნელოვან თანამდებობას იკავებს ჯგუფში, რომლის სარეკლამო ფული მირანდას ძალიან სჭირდება.
რაც შეეხება „ეშმაკი ატარებს პრადას“ პირველ ფილმს, როგორც გახსოვთ, ის კოლეჯის ახლად კურსდამთავრებულ ანდრეა საქსის შესახებ გვიამბობს, რომელიც ჟურნალისტიკაში თავის დამკვიდრებას ცდილობს. ენდი მუშაობას Runway Magazine-ში, მირანდა პრისლის უმცროს ასისტენტად იწყებს. მალე მას პროფესიულ კარიერასა და სიყვარულს შორის არჩევანის გაკეთება უწევს. „ეშმაკი ატარებს პრადას“ პირველმა ფილმმა მსოფლიო კინოგაქირავებაში 326 მილიონი დოლარის შემოსავალი მიიღო.
„ეშმაკი ატარებს პრადას 2“-ში მერილ სტრიპი, ენ ჰეთუეი, ემილი ბლანტი, სტენლი ტუჩი, ტრეისი ტომსი და ტიბორ ფელდმანი ისევ თავიანთ როლებს შეასრულებენ. კენეთ ბრანა მირანდას მესამე ქმრად მოგვევლინება, ხოლო სიმონე ეშლი უცნობ როლს შეასრულებს.
Variety-ის ექსკლუზიური ინფორმაციით მსახიობების ძველ გუნდს ლედი გაგა, ლუსი ლიუ, ბი ჯეი ნოვაკი, ჯასტინ ტერუ და პოლინ შალამე შეუერთდებიან. პატრიკ ბრემალი ენდის შეყვარებულად მოგვევლინება, ძველი შეყვარებული, ენდი კი, რომლის როლი ადრიან გრენიემ შეასრულა, ფილმის მეორე ნაწილში აღარ დაბრუნდება.
პროექტის რეჟისორი ისევ დევიდ ფრანკელია, რომელმაც პირველი ფილმი გადაიღო, ხოლო სცენარზე პირველი ფილმის ავტორი – ალინ ბროშ მაკ-კენა მუშაობს.
პოპულარული ფილმის გაგრძელება კინოთეატრებში 2026 წლის 1 მაისს გამოვა.
ნახეთ „ეშმაკი ატარებს პრადას 2“-ის თიზერი
ასევე დაგაინტერესებთ
