გავრცელებული მოსაზრებით, ჯანსაღი ცხოვრების წესის შესანარჩუნებლად აუცილებელია დღეში 10 000 ნაბიჯის გავლა. ჰარვარდის ჯანდაცვის სკოლის პროფესორი ი მინ ლი აღნიშნავს, რომ შესაძლოა ნაკლები რაოდენობაც იდენტური სარგებლის მომტანი იყოს.
ლიმ წარადგინა თავისი კვლევის შედეგები ნაბიჯების რაოდენობისა და სიკვდილიანობის ურთიერთკავშირზე. 2019 წლის კვლევაში, რომელიც 17 000 ხანდაზმულ ქალს მოიცავდა, დადგინდა, რომ ისინი, ვინც დღეში 3 000 ნაბიჯს გადიოდა, ნაადრევი სიკვდილიანობის მაჩვენებელი ნაკლები იყო, ვიდრე მათში, ვინც მხოლოდ 2 000 ნაბიჯს. თუმცა, ერთ-ერთ კვლევით დადასტურდა, რომ 7 500 ნაბიჯის გავლა იგივენაირად სასარგებლოა, როგორც 10 000 – ის.
,,ნებისმიერი რაოდენობა კარგია, მეტი უკეთესია, უბრალოდ საჭიროა ზღვარი დავიცვათ. 7500 საკმარისია ჯანმრთელობის გასაუმჯობესებლად, ხოლო 10 000 + ნაბიჯის შემთხვევაში ფიზიკური ფორმა უმჯობესდება. – თქვა მკვლევარმა.
ლიმ გამოიკვლია, მოქმედებს თუ არა სიარულის სიჩქარე ადამიანების ჯანმრთელობის გაუმჯობესებაზე და აღმოაჩინა, რომ ნელი ტემპით სიარული შესაძლოა უფრო სასარგებლოც იყოს.
გადატვირთული გრაფიკის გამო ფიზიკურად აქტიურად ყოფნას ხშირად ვერ ვახერხებთ, თუმცა შეგვიძლია ნაბიჯების რაოდენობა შეუმჩნევლად გავზარდოთ თუ:
- სატელეფონო საუბრის დროს ოთახში ივლი;
- ავტობუსით მგზავრობისას ერთი ან ორი გაჩერებით ადრე ჩამოხვალ;
- ავტომობილს დანიშნულების ადგილიდან ოდნავ მოშორებით გააჩერებ;
- ვახშმის შემდეგ ნახევარი საათი გაისეირნებ;
- დააყენებ ტაიმერს( ყოველ საათში ერთხელ), რომელიც შეგახსენებს, რომ წამოდგე და რამდენიმე ნაბიჯი გადადგა.
ყოველდღიური სიარული ამცირებს შფოთვას, აუმჯობესებს ძილს, კონცენტრაციასა და გულსისხლძარღვთა სისტემას.
გაითვალისწინეთ: რაც არ უნდა დაბალი იყოს შენი დღევანდელი აქტივობა, 500 ნაბიჯით მეტის გავლაც უკვე დიდი წინსვლაა.
