შემოდგომის სეზონი განახლებასთან და ყოველივე ახლის დასაწყისთან ასოცირდება. სექტემბრის სეზონს დასვენებული გონებით, ახალი ენერგიითა და განახლებული გარდერობით ვიწყებთ. პირველი კი, რის შეძენასაც ვაპირებთ, არის ფეხსაცმელი. და მაინც, როგორი უნდა იყოს ფეხსაცმელი? − აუცილებლად კომფორტული და დახვეწილი დიზაინის. წარმოგიდგენთ პოპულარული ბრენდის − „ეკკო“ ფეხსაცმელების განახლებულ კოლექციას.
„ეკკო“ ფეხსაცმლის პოპულარული დანიური ბრენდია, რომელიც ქართულ ბაზარზე 2007 წლიდან არის წარმოდგენილი. ბრენდი მომხმარებელს სტილისა და კომფორტის იდეალურ კომბინაციას სთავაზობს. თითოეული ფეხსაცმელი ძალიან მაღალი ხარისხის მასალით და სპეციალური ტექნოლოგიით მზადდება.
ბრენდის ახალი კოლექცია, როგორც ყოველთვის, დახვეწილი და თანამედროვეა. არ აქვს მნიშვნელობა, სად აპირებთ წასვლას − მეგობრებთან ერთად გასართობად თუ ოფიციალურ შეხვედრაზე, − თქვენთვის სასურველ მოდელს აუცილებლად იპოვით „ეკკოს“ კოლექციაში. რაც ყველაზე მნიშვნელოვანია, ის მთელი დღის განმავლობაში სიმსუბუქეს მოგანიჭებთ, რადგან მისი ძირი საკმაოდ მსუბუქი და დრეკადია.
„ეკკოს“ ფეხსაცმლის წარმატება თანამედროვე დიზაინისა და უმაღლესი ხარისხის ტყავის დამსახურებაა. აღსანიშნავია, რომ თითოეული ფეხსაცმლის კონსტრუქცია ადამიანის ანატომიურ ტერფზეა აგებული, რაც აუმჯობესებს სისხლის მიმოქცევას, ტერფი სუნთქავს და ქმნის უფრო მეტ კომფორტს. ასევე, „ეკკოს“ ფეხსაცმლის ერთ-ერთი უპირატესობაა ის, რომ მისი ზედაპირი ძირს უერთდება ყოველგვარი შემოკერვისა და წებოს გარეშე.
ფეხსაცმლის მწარმოებელი ბრენდი „ეკკო“ 1963 წელს დანიაში დაარსდა. აღსანიშნავია, რომ ის მსოფლიოში მაღალი ხარისხის ტყავის მწარმოებელ უმსხვილეს კომპანიათა ჩამონათვალშია. გარდა იმისა, რომ მაღალი ხარისხის ტყავს იგი იყენებს საკუთარი პროდუქციის წარმოებაში, ამასთანავე, კომპანია ამარაგებს მსოფლიოს წამყვან პრემიუმბრენდებს.
R
