ჟურნალი OK! წარმოგიდგენთ ორი მეგობრის მიერ დაარსებულ ინტერიერის დიზაინის ქართულ სტუდიას − DUE („დუე“), რომელიც რამდენიმე წელია ბაზარზე გამოჩნდა და მომხმარებელს სთავაზობს სრულ დიზაინერულ მომსახურებას − ინტერიერის დიზაინ-პროექტის შექმნასა და მის რეალიზებას მაღალკვალიფიციური სპეციალისტების მიერ. უფრო ვრცლად და დეტალურად ამ თემების შესახებ კომპანიის დამფუძნებლები − ლიკა ლასარეიშვილი და ცოტნე ანდრიაძე გვიამბობენ.
გაგვაცანით კომპანია Due. რამდენი ხანია, რაც ბაზარზე გამოჩნდა?
DUE („დუე“) − ინტერიერის დიზაინის ქართული სტუდიაა იტალიური სახელით, რომელიც დაარსდა 2018 წელს, ლიკა ლასარეიშვილისა და ცოტნე ანდრიაძის მიერ. DUE ქართულად „ორს“ აღნიშნავს და ორი მეგობრის ერთობლივ საქმიანობაზე მიანიშნებს. ამავდროულად, სახელის წარმომავლობა გუნდის იტალიური გამოცდილებისა და თავად იტალიის, როგორც დიზაინის სფეროს წამყვანი ქვეყნის, იდეას აერთიანებს.
რას სთავაზობთ საზოგადოებას?
დიზაინ-სტუდია DUE მომხმარებელს სთავაზობს სრულ დიზაინერულ მომსახურებას, რაც გულისხმობს ინტერიერის დიზაინ-პროექტის შექმნას და მის რეალიზებას ჩვენი გუნდის მაღალკვალიფიციური სპეციალისტების მიერ.
რატომ უნდა ავირჩიოთ Due?
ჩვენი გუნდის გამოცდილება ინტერიერის დიზაინში უკვე 12 წელზე მეტს ითვლის. დღეს კი, მათი ხედვით, დახვეწილი გემოვნებითა და პროფესიონალიზმით, ვქმნით DUE-ს ელეგანტური ცხოვრების ხელოვნებას, რომელიც თითოეული ადამიანის ინდივიდუალურ სურვილებსა და საჭიროებებს უპასუხებს.
გვესაუბრეთ ხარისხსა და კომპანიის უპირატესობებზე.
უპირველესად, იტალიაში, კერძოდ მილანში, სწავლისა და მუშაობის გამოცდილებამ ძალიან დიდი როლი ითამაშა კომპანიის ხედვასა და გემოვნებაზე. ასევე, უცხოურ კომპანიებთან თანამშრომლობამ და უცხოური სტანდარტით მასშტაბური პროექტების შესრულებამ, ჩვენს გუნდს დამატებითი გამოცდილება შესძინა. ამასთან ერთად, ჩვენი დიზაინ-სტუდია მომხმარებელს სთავაზობს სრულ დიზაინერულ მომსახურებას, რაც გულისხმობს დიზაინის შექმნას; სარემონტო სამუშაოების შესრულებას საავტორო ზედამხედველობით; მასალების, ავეჯის, განათებისა და დეკორის შერჩევას, ამიტომ ვფიქრობთ, დამკვეთისთვის დამატებითი კომფორტია, როდესაც დიზაინ-სტუდია სრულად არის ჩართული ყველა ეტაპზე, პროექტის დასრულებამდე.
გვიამბეთ კომპანიის მიდგომასა და სპეციფიკაზე.
გვჯერა, რომ თითოეული ადამიანი უნიკალური საჭიროებებითა და გემოვნებით გამოირჩევა, სწორედ ამიტომ, ჩვენი შემოქმედებითი იდეები ყოველი დამკვეთის ინდივიდუალიზმს უპასუხებს. ჩვენ ვქმნით საუკეთესო გადაწყვეტებს იმისათვის, რომ თქვენი სურვილები განვახორციელოთ. შთაგონებას დეტალებიდან ვიღებთ − ხშირად, სწორედ ეს მცირე დეტალები განსაზღვრავს მთელი სივრცის ტონალობასა და ესთეტიკას. გვჯერა, რომ სახლი მისი მფლობელის ცხოვრების სტილისა და გემოვნების გამოხატულებაა, რომ ინტერიერის დიზაინს აქვს ძალა, თითოეული ადამიანის ყოველდღიურობაზე მნიშვნელოვანი გავლენა მოახდინოს. სწორედ ესაა მთავარი ხიბლი, რის გამო ეს სფერო ასე გვიტაცებს.
როგორია მუშაობის პროცესი?
მუშაობის პროცესი შედგება რამდენიმე ეტაპისგან: დიზაინ-კონცეფციის შემუშავება, ვიზუალიზაციის შექმნა, პროექტის ტექნიკური ნახაზების შედგენა, უშუალოდ რემონტის პროცესი და პარალელურად, მასალების, ავეჯისა და განათების შეკვეთა.
ბოლოს, სამომავლო გეგმები გაგვიზიარეთ.
რაც შეეხება სამომავლო გეგმებს, უპირველეს ყოვლისა, ვფიქრობთ გუნდის გაზრდას, რათა უფრო მეტი საინტერესო და მასშტაბური პროექტები შემოგთავაზოთ. დანარჩენ გეგმებს კი საიდუმლოდ დავტოვებთ. თვალყური გვადევნეთ, რათა შეიტყოთ სხვა საინტერესო სიახლეები.
