მსოფლიოს ერთ-ერთი ყველაზე მაღალანაზღაურებადი პოპვარსკვლავო დუა ლიპა მსმენელს სიურპრიზს უმზადებს. როგორც მისი გულშემატკივრები ვარაუდობენ, დუა ახალი ალბომის გამოსაშვებად ემზადება, რისთვისაც სიმბოლურად, ინსტაგრამზე ყველა ფოტო წაშალა და მხოლოდ ერთი განათავსა.
როგორც იცით, დუამ 2015 წელს სადებიუტო სინგლი New Love, 2017 წელს კი პირველი სტუდიური ალბომი გამოუშვა. მიუხედავად წარმატებული კარიერული საქმიანობისა, დუამ საყოველთაო აღიარება New Rules-ის გამოსვლის შემდეგ მოიპოვა. დუამ მეორე სტუდიური ალბომი Future Nostalgia 2020 წლის 27 მარტს გამოუშვა, რომელშიც 70-იანი წლების დისკოსა და 80, 90-იანი წლების პოპჟღერადობა სჭარბობდა.
