თეთრმა სახლმა საზოგადოებას ტრადიციული საშობაო ღია ბარათი წარუდგინა, რომელზეც აშშ-ის პრეზიდენტი და პირველი ლედი ხელჩაკიდებულები ჩანან, რაც დიდი იშვიათობაა.
საზეიმოდ მორთული თეთრი სახლის ფონზე 55 წლის მელანია ტრამპი შავი კაბით, მარგალიტის საყურეებითა და ბრილიანტის სამაჯურით პოზირებს, 79 წლის დონალდ ტრამპს კი კლასიკური შავი სმოკინგი, თეთრი პერანგი და საზეიმო ფეხსაცმელი აცვია.
საზეიმო ფონის მიუხედავად, სოციალური ქსელების ზოგმა მომხმარებელმა აღნიშნა, რომ წყვილის სახის გამომეტყველება სადღესასწაულო განწყობას არ შეესაბამებოდა.
„რა დეპრესიულია.. „თითქოს ვიღაცასთან დამშვიდობებისთვის ემზადებიან“, – წერდნენ ინტერნეტის მომხმარებლები.
ზოგმა დონალდ და მელანია ტრამპების წინა წლების საშობაო ბარათები გაიხსენა და აღნიშნა, რომ განწყობებში სხვაობა თვალშისაცემია.
ცნობისთვის, საპრეზიდენტო ბარათების ტრადიცია 1927 წელს აშშ-ის 30-ე პრეზიდენტის, კალვინ კულიჯის მმართველობის დროს დაიწყო.
შეგახსენებთ, რომ 24 ნოემბერს თეთრი სახლის დიასახლისი მიჩიგანიდან ჩამოტანილ, 5,6 სიმაღლის ნაძვის ხეს საზეიმო ვითარებაში შეეგება. მელანია ტრამპს თეთრი Dior-ის თეთრი პალტო, შინდისფერი ტყავის ხელთათმანები და Manolo Blahnik-ის ფეხსაცმელი ეცვა.
ასევე დაგაინტერესებთ
#OK! მელანია ტრამპმა თეთრ სახლში სადღესასწაულო სეზონი ოფიციალურად გახსნა
