ჯანსაღი და ლამაზი კანი ყველა ქალი ოცნებაა. თუ როგორ უნდა მოვუაროთ კანს და როგორ შევაჩეროთ დაბერების პროცესი, ამ და სხვა საინტერესო კითხვებს ექიმ-კოსმეტოლოგი – თეა მრევლიშვილი პასუხობს.
რამ განაპირობა თქვენი პროფესიული არჩევანი?
პროფესია ავირჩიე თავად ჩემი პრობლემების გამო. მოგეხსენებათ, მოზარდობის (გარდატეხის ასაკში) არც თუ ისე გამონაკლის შემთხვევებში, იწყება რიგი პრობლემები. კოსმეტოლოგიის სწავლა დავიწყე ჩემი კანის მოსავლელად, რაც უფრო მეტს ვგებულობდი მით უფრო მიჩნდებოდა ინტერესი ესთეტიკური მედიცინის მიმართ. არ ვტოვებდი სემინარებს, ვესწრებოდი პროფესიონალი სპიკერების წარსდგენილ მოხსენებებს, როგორც საქართველოში ისე საზღვრებს გარეთ.
თქვენი სამუშაო რეჟიმი როგორია?
იმის გამო, რომ შევქმენი ჩემი პატარა იმპერია – მოკრძალებული კაბინეტი – life esthetic, მუდმივ სამუშაო რეჟიმში ვარ. ღამის 12საათზეც დაურეკავს პაციენტს და გაგვიკეთებია ტუჩის კორექცია, ესეთებიც ხდება. ეს არის საქმე, რომელიც უზომოდ მიყვარს და ძალიან დიდ სიამოვნებას მანიჭებს პაციენტებთან ურთიერთობა. ეს არის ადგილი, სადაც ვზრუნავთ ადამიანების გარეგნობაზე, აქ იქმნება სილამაზე.
თქვენთან მოსულმა პაციენტმა ყოველთვის იცის რა უნდა?
ძირითადად იციან, თუმცა ანამნეზის შეგროვების და ვიზუალური დათვალიერების შედეგად ვაძლევ რჩევას და რეკომენდაციას. ჩემმა პაციენტებმა კარგად იციან, რომ ბუნებრიობას და პრეპარატის ხარისხსს ჩემთვის უდიდესი მნიშვნელობა აქვს.
რომელი პროცედურაა ყველაზე მოთხოვნადი?
მე გამოვყოფდი ცივი პლაზმის პროცედურას. ეს არის განსაკუთრებული პროცედურა, რომლის დროსაც ხდება ნაოჭების ნაზად დამუშავება და კანის გაახალგაზრდავება. რა თქმა უნდა, მოთხოვნადია ტუჩის ფილერი, ბიორევიტალიზაცია და ცხვირის კორექცია ფილერით.
რა უნდა გავაკეთოთ, რომ კანის დაბარების პროცესი მაქსიმალურად შევაჩეროთ?
როგორც ორგანიზმს ასევე ჩვენს კანსაც სჭირდება ჯვება ანუ დატენიანება. საჭიროა იმ მინერალების და ციტამინების მიწოდება, იმის მიხედვით, თუ რა პრობლემა გვაქვს. ასევე, პერიოდულად უნდა მოხდეს კანის ზედაპირის განახლება პილინგის საშუალებით, რადგან კანმა სრულად გამოიყენოს სწორად შერჩეული საცხი და შრატი. ასე შევინარჩუნებთ დი ხანს ჯანმრთელ და ლამაზ კანს.
თავისუფალ დროს რისი კეთება გიყვართ?
ძალიან მიყვარს მცენარეები, მათი მოვლა. თავისუფალ დროს ჩემს ბაღში ვისვენებ.
ვინ ან რა არის თქვენი მთავარი მოტივაცია
კმაყოფილი პაციენტები და მათი პირველი ბედნიერების ემოცია.
სამომავლო გეგმები
ჩემი მოკრძალებული კაბინეტიდან – life esthetic მინდა მომავალში უკვე ჩემს კლინიკაში გადავინაცვლო, სადაც გავზრდი ღირსეულ ექიმ-კოსმეტოლოგებს.
