ერთი ყავა ორი მეწარმე ქალის ამბავია. მათ ერთმანეთი სვანეთში გაიცნეს, რის შემდეგაც Specialty Coffee-ის ქსელის გახსნა გადაწყვიტეს.
Specialty Coffee-ის კონცეფცია არაბიკის ტიპის მაღალი ხარისხის ყავის მარცვალია, რომელიც შერჩეულია Specialty Coffee Association (SCA)-ს სტანდარტის მიხედვით. ასეთი ხარისხისა და სტანდარტის ყავის მარცვალი მსოფლიოს ყავის მოსავლის მხოლოდ 10%-ს შეადგენს. SCA-ის სტანდარტი მოიცავს მწვანე მარცვლის შეფასებას, ყავის დეგუსტაციას, წყლის ხარისხისა და ყავის მოხარშვის მაღალი სტანდარტის უზრუნველყოფას. გარდა ამისა, მნიშვნელობა ენიჭება იმას, თუ როგორი ჭიქით მოგართმევენ ყავას. ამ ყველაფრის გათვალისწინებით, Specialty Coffee წარმოადგენს ყავის ხარისხის უმაღლეს საფეხურს.
ქსენია და ტატიანა საქართველოში ამ ბიზნესს უკვე მე-5 წელია რაც ავითარებენ. ქსენია პროფესიით სასტუმრო და სარესტორნო სერვისის სპეციალისტია და წარსულში ტურიზმით იყო დაკავებული, სანამ სვანი ბიჭის სიყვარულმა მესტიაში არ ჩამოიყვანა. ქსენია 4 შვილს ზრდის, ასევე ფლობს სასტუმროს მესტიაში.
ქსენიას აზრით, პირად ცხოვრებაში რეალიზაცია ისევე მნიშვნელოვანია, როგორც ბიზნესში. „მე ბედნიერი ვარ საკუთარი პირადი ცხოვრებით, ჩემი ოჯახით, ჩემი ოთხი შვილით, მეუღლით და თავს სრულად რეალიზებულად ვგრძნობ − როგორც პირად, ასევე პროფესიულ ცხოვრებაში“. მისთვის Specialty Coffee-ის კულტურის განვითარება საქართველოში ისევე მნიშვნელოვანია, როგორც მისი შვილების სწორი აღზრდა. ტატიანა მერზლაიასთვის ბიზნესში სოციალურ მდგენელს უდიდესი მნიშვნელობა აქვს. მისი მთელი პროფესიული წარსული ზუსტად რომ სოციალურ-კულტურულ და საქველმოქმედო პროექტებთან არის დაკავშირებული, რაშიც იგი აქტიურად იყო ჩართული უკრაინაში.
ტატიანას აზრით, მაღალი ხარისხის პროდუქტის, მათ შორის Specialty-ყავის მოდუღება მხოლოდ ბედნიერ ხალხს შეუძლია. ამიტომაც, თანამშრომლების მუდმივი განვითარება, მათი სწორი წახალისება, მათი ეკონომიკური მდგრადობა და მათი კეთილდღეობის შექმნის პერსპექტივა ბიზნესის წარმატების მნიშვნელოვანი კომპონენტებია.
საქართველოში უკვე არსებული ოთხი ობიექტის მართვის გარდა (ორი თბილისში, ერთი ბათუმში და ერთიცმესტიაში), ქსენია და ტატიანა აქტიურად ეხმარებიან მრავალ ახალბედა მეწარმეს, დაიწყონ ყავისწარმატებული ბიზნესი. გეგმავენ საკუთარი საქმიანობის შემდგომ განვითარებასაც − როგორც ქვეყნისშიგნით, ასევე მის გარეთ, მათ შორის ევროპაში, როგორც პირდაპირი გზით, ასევე ფრანჩაიზინგისმეშვეობით.
ტექსტი: ქეთი ლომსაძე
