მოდა ხშირად საფუძვლიანად არის დამოკიდებული არსებული წყაროებიდან ინსპირაციის მიღების უნარზე. იმიტაცია, ეს არის ნაჭრის, კონსტრუქციის, აქსესუარის, ნაბეჭდის ან სხვა რომელიმე მახასიათებლის უხეში რეპლიკაცია. ეს უკანასკნელი კი არსებული ელემენტების აღებასა და მათ ახლებურად ინტერპრეტაციას მოიცავს.
საქმე ამჯერად ქართულ ბრენდს Crosty-ის და გრაფიკულ დიზაინერს, ბექა ბერიძეს შორის არსებულ უთანხმოებას ეხება.
ბექა ბერიძე სოციალურ მედიაში ინფორმაციას ავრცელებს, რომ ქართული ბრენდი Crosty მას მისივე დიზაინით დაწერილი სიტყვის “თავისუფლების” გამოყენებას უკრძალავს. როგორც კომპანია აღნიშნავს, დიზაინერი შპს “ქროსთი გლობალ”-ის მიერ რეგისტრირებულ სადაქონლო ნიშანს ყოველგვარი ნებართვისა და შეთანხმების გარეშე იყენებს.
📷 crostyshoes.com
“მიკრძალავენ ჩემი დიზაინით დაწერილი სიტყვა თავისულფება რომ გამოვიყენო პრინტებზე , წინაააღმდეგ შემთხვევაში დამეკისრება ჯარიმა , ყადაღა დაედება პროდუქციას და ა.შ”
“გასაგებია, რომ სიტყვის ვიზუალური ინტერპრეტაცია დააპატენტო და ასეც უნდა იყოს. თუმცა ზოგადად სიტყვის დაპატენტება და თან “თავისუფლების” ცოტა უცნაურია. ჩემი დიზაინით ამ სიტყვის დაწერა რატო უნდა იყოს აკრძალული გაუგებარია”. – წერს სოციალურ მედიაში ბექა ბერიძე
Crosty-ის მტკიცებით სასაქონლო ნიშანი “თავისუფლება” მათ ეკუთვნით და ბექა ბერიძე მათ მიერ რეგისტრირებულ ნიშანს სამოსზე ნებართვის გარეშე იყენებს.
ქართული კომპანიის მტკიცებით, თუ ბექა ბერიძე გაყიდვიდან პროდუქციას არ ამოიღებს, მას მიყენებული ზიანის ასანაზღაურებლად ერთჯერადი ფულადი კომპენსაციის გადახდა დაეკისრება, ან კიდევ სასაქრონლო ნიშანზე განსაკუთრებული უფლების დარღვევით მიღებული შემოსავალი ჩამოერთმევა.
📷 Beka Beridze
📷 crostyshoes.com
Crosty-ის აღნიშნულ საკითხთან დაკავშირებით ჯერ ოფიციალური განცხადება არ გაუკეთებია.
