PSP – ჩემი ოჯახის აფთიაქი, საქართველოს ფარმაციის ლიდერი, ხარისხის გარანტი, ევროპული ღირებულებების მქონე კომპანია წარმოგიდგენთ ვალენტინობის ისტორიებს.
ვალენტინობის დღესასწაულის წარმოშობა ბუნდოვანია, თუმცა ვარაუდობენ, რომ ამ დღის
აღნიშვნა სათავეს ძველი რომიდან იღებს. თავდაპირველად ზეიმობდნენ ლუპერკალიას – გაზაფხულის დადგომას, ტარდებოდა ნაყოფიერების და ქალების კაცებთან დაწყვილების რიტუალები. მე-V საუკუნის ბოლოს პაპმა გელასიუს I-მა კი ლუპერკალიას აღნიშვნა აკრძალა და როგორც ვარაუდობენ, ის წმ. ვალენტინობის დღით ჩანაცვლდა.
გავრცელებული ლეგენდის თანახმად, წმ. ვალენტინი იყო მღვდელი, რომელიც არ დაემორჩილა იმპერატორის ბრძანებას და ფარულად აქორწინებდა წყვილებს, რათა დაოჯახებული მამაკაცები საომრად არ წაეყვანათ. სწორედ ამ მიზეზით არის დაკავშირებული მისი დღესასწაული სიყვარულთან.
ასევე არსებობს სხვა ლეგენდაც, რომელიც ამბობს, რომ წმ. ვალენტინმა გაიცნო ციხის ზედამხედვლის გოგონა, რომელიც შეუყვარდა. შეყვარებულმა მღვდელმა გოგონას სიკვდილის წინ სასიყვარულო ბარათი დაუწერა, ბოლოში მინაწერით: your valentine.
269 წლის 14 თებერვალს წმინდა ვალენტინი სიკვდილით დასაჯეს. შესაძლოა ამ ორი სხვადასხვა ლეგენდის მთავარი გმირი ერთი პიროვნებაც იყოს.
