უკვე თორმეტი წელია, „City Event Georgia“ ქართულ ღონისძიებათა ინდუსტრიაში ქმნის ისეთ გამოცდილებებს, რომელთა ემოციებიც შეუძლებელია დაგავიწყდეს და მთელი ცხოვრების განმავლობაში არ გაგყვეს. თითოეული კონცერტი, ფესტივალი, კორპორატიული საღამო თუ პირადი ივენთი, რომელსაც კომპანია ახორციელებს, ემოციას ტოვებს, რომელიც შემდეგ ისტორიად იქცევა. 2012 წლიდან დღემდე, „City Event Georgia“-ს 2000-ზე მეტი ღონისძიება აქვს განხორციელებული – ყველა განსხვავებული და უნიკალური, თუმცა ერთი საერთო ხაზით: იდეის სრულყოფილი განხორციელებით.
კომპანიის მუშაობის ფილოსოფია მარტივია: თითოეულ პროექტში იდეა, შემოქმედებითი ხედვა და შესრულება სრულად უნდა ერწყმოდეს ერთმანეთს. სწორედ ამიტომ „City Event Georgia“-ს გუნდი დეტალურად ზრუნავს ყველა ეტაპზე – ლოკაციის სწორად შერჩევიდან სცენოგრაფიის შექმნამდე, ტექნიკური უზრუნველყოფიდან ვიზუალურ ეფექტებამდე. ეს დამოკიდებულება კომპანიას ერთ-ერთ ყველაზე სანდო და ინოვაციურ მოთამაშედ აქცევს ბაზარზე.
სერვისები
„City Event Georgia“ სრულყოფილ მომსახურებას სთავაზობს კლიენტებს. თითოეული ღონისძიება იწყება კონცეფციის შექმნით, რომელსაც თან ახლავს 3D რენდერის საშუალებით სივრცის წინასწარი ვიზუალიზაცია. სწორედ ეს იძლევა შესაძლებლობას დამკვეთმა რეალურად წარმოიდგინოს შედეგი.
სერვისებში შედის:
- სცენის მონტაჟი, გახმოვანება, განათება და სპეციალური ეფექტები;
- მუსიკოსებისა და მსახიობების შერჩევა, მათი ტექნიკური მოთხოვნების გათვალისწინებით;
- მიღების ცერემონიები, არტ-ინსტალაციები და დეკორაციები;
- ქეითერინგი — მენიუს, სასმელებისა და მომსახურე პერსონალის სრული უზრუნველყოფით.
ღონისძიებების მრავალფეროვნება
კომპანია ორგანიზებას უწევს როგორც მცირე, დახურულ შეხვედრებს, ისე მასშტაბურ ღონისძიებებს. მისი პორტფოლიო მოიცავს ღია ცის ქვეშ გამართულ ფესტივალებსა და ქალაქის დღესასწაულებს, საერთაშორისო MICE ტურიზმის პროექტებს, კორპორატიულ წვეულებებსა და პირად ღონისძიებებს.
გუნდი და მენეჯმენტი
„City Event Georgia“-ს განსაკუთრებულ ძალას წარმოადგენს პროფესიონალებით დაკომპლექტებული გუნდი. თითოეულ წევრს სხვადასხვა მიმართულებით დაგროვილი გამოცდილება აქვს, რაც პროცესის დროს მოქნილობასა და ოპერატიულობას უზრუნველყოფს. ამ ფაქტორმა კომპანიას დამკვეთთან კომუნიკაციაში სანდოობა და კომფორტი მოუტანა.
კომპანიის დამფუძნებელი ზვიად შელია მრავალი წლის განმავლობაში თავად იყო ჩართული ღონისძიებების ორგანიზებაში. ფესტივალებისა და კონცერტების დაგეგმვის, პრეზენტაციებისა და კორპორატიული საღამოების გამოცდილებამ უბიძგა შეეკრიბა პროფესიონალთა გუნდი და შეექმნა კომპანია, რომელიც მომხმარებელს ერთ სივრცეში სთავაზობს სრულ სერვისს.
უპირატესობები
„City Event Georgia“-ს მთავარი ძლიერი მხარეებია მოქნილობა, ინოვაციურობა და ოპერატიულობა. დიდ როლს თამაშობს პარტნიორი კომპანიების პროფესიონალიზმიც, რომელთან ერთადაც უფრო მასშტაბური და კომპლექსური პროექტების განხორციელება ხდება შესაძლებელი. სწორად ორგანიზებული კომუნიკაცია, ფორსმაჟორული სიტუაციების გათვალისწინება და დამკვეთისთვის მაქსიმალური კომფორტის შექმნა კომპანიის დამახასიათებელი ნიშნებია.
სამომავლო ხედვა
განვითარება კომპანიის მთავარი მიმართულებაა. დღეს „City Event Georgia“ მუშაობს ახალი სერვისების დამატებაზე, მათ შორის — სადღესასწაულო დეკორაციების ხაზზე. დაგეგმილია მოცულობითი, გიგანტური და ექსკლუზიური დეკორაციების შექმნა, რომლებიც ინდივიდუალური ტექნოლოგიებით დამზადდება და განსაკუთრებულ ხარისხს უზრუნველყოფს.
