რამდენიმე საათის წინ გავრცელდა ინფორმაცია, რომ საზოგადოებისთვის ერთ-ერთი ყველაზე საყვარელი კინოვარსკვლავები: კრის ევანსი, რაიან გოსლინგი და რეჟე-ჟან პეიჯი ერთმანეთთან ითანამშრომლებენ. ფილმი, რომლის სახელიც “The Gray Man” და მთავარი გმირების ვინაობაც უკვე ოფიციალურადაა დადასტურებული, არსებული ინფორმაციით ეკრანებზე 2022 წელს გამოვა, მისი რეჟისორები კი ძმები ჯო და ენტონი რუსოები იქნებიან, რომლებსაც მაყურებელი კარგად იცნობს “მარველთან” თანამშრომლობით განხორციელებული არაერთი წარმატებული პროექტით. “The Gray Man” დაფუძნებული იქნება ნოველაზე და მასში მთავარი აქცენტი გამახვილებული იქნება CIA აგენტზე, რომელიც გარკვეული მიზეზების გამო გადაწყვეტს მოირგოს სუპერგმირის როლი.
