„ჩვენ ყველანი ბავშვობიდან მოვდივართ, მშობლები ყველას გვიკითხავდნენ ზღაპრებს, სადაც დასასრულისკენ ყოველთვის სიკეთე იმარჯვებს ბოროტებაზე, სინათლე − სიბნელეზე. ის, რაც ბავშვობაში შორს გვეჩვენებოდა, ძალიან ახლოს არის ახლა. ყველანი ვაცნობიერებთ, რომ სიკეთის გამარჯვება უნდა იყოს ჩვენი ცხოვრების რეალური ზღაპარი, რომელსაც შემდეგ შთამომავლობას სიამაყით მოვუყვებით − იმ შვილებსა და შვილიშვილებს, რომელთათვისაც თქვენ, უკრაინელები ახლა იბრძვით… ისე არაფერი მნდომებია დედამიწაზე, როგორც თქვენი გამარჯვება და დარწმუნებული ვარ, ყველა ღირსეული და საღად მოაზროვნე ადამიანი მთელ პლანეტაზე, მათ შორის ჩემს სამშობლოში, არის თქვენი დიდი, მადლიერი გულშემატკივარი“, − აღნიშნა ნიკოლოზ რაჭველმა ჩვენთან საუბრისას, რომელსაც ეკუთვნის სოლიდარობის აქციის იდეა უკრაინა-რუსეთის ომის დაწყებიდან რამდენიმე საათში.
24 თებერვალს 17:00 საათზე, საქართველოს ეროვნულმა სიმფონიურმა ორკესტრმა ნიკოლოზ რაჭველის ხელმძღვანელობით შეასრულა უკრაინის ჰიმნი, ნიშნად უკრაინელი ხალხის თანადგომისა. ორკესტრის სარეპეტიციოშივე გაიმართა პირველი მხარდამჭერი მუსიკალური აქცია, რომელშიც მონაწილეობა მიიღეს ნინო ქათამაძემ, გიორგი ცაგარელმა, ბექა გოჩიაშვილმა და ირაკლი ჩოლოყაშვილმა. უფრო ვრცლად ამ ამბავს OK!-ის სტატიაში ამოიკითხავთ.
ინტერვიუს გაგრძელება იხილეთ ჟურნალ OK!-ში
ტექსტი: მარიამ გაბედავა
ფოტო: თეონა ჯორბენაძე
