ჩვენი ვიდეორუბრიკის – OK! ჭიქა ღვინოსთან სტუმარია „ავიაკომუნიკატორის“ დამფუძნებელი თამუნა თანდაშვილი, რომელიც OK!-თან ინტერვიუში ისაუბრებს, ტურიზმზე, მსოფლიოს გამორჩეულ ქვეყნებზე, ქართულ გასტრონომიაზე, კულტურასა თუ სხვა მრავალ საინტერესო თემაზე.
თამუნა, რა კრიტერიუმების მიხედვით ირჩევ სასტუმროს?
გააჩნია რისთვის მივდივარ. თუ დასასვენებლად მივდივარ, მაშინ ვირჩევ ბუტიკურ ტიპის სასტუმროს, თუ საქმიანი შეხვედრა მაქვს, მაინც დაზღვეული რომ ვიყო, ბრენდული სასტუმროებია მიზანშეწონილი.
რას ურჩევ იმ ადამიანებს, რომლებსაც ოჯახთან ერთად პირველად გეგმავენ საზღვარგარეთ გასვლას?
პირველი უნდა წავიდნენ პარიზში, რადგან პარიზი არის ადგილი, სადაც ყველაზე მეტი ტურისტი იყრის თავს მსოფლიოში. პარიზის შემდეგ თამასა გაქვს, რომლის მონახულების შემდეგ ქვეყნებს ადარებ. პირადად მე, ოჯახთან ერთად ერთი კვირით დასასვენებლად წავიდოდი თურქეთში, როცა მართლა დასვენება გინდა, თურქეთი არის უალტერნატივო, თანაც ბიუჯეტური.
რომელია ტოპ 3 ევროპული ქვეყანა, რომლის არ ნახვა არ შეიძლება…
ადამიანს თუ უნდა მაღალი ხარისხი ნახოს და ევროპულ ღირებულებებს ეზიაროს, სკანდინავიის ქვეყნებს უნდა ესტუმროს. მე უფრო გამოვყოფდი კოპენჰაგენს, რადგან განსხვავებული სულისკვეთება აქვს თავისი ხარისხობრივი მაჩვენებლებით.
მართლაც ხინკალი, მწვადი და ხაჭაპურია ჩვენი სავიზიტო ბარათი თუ გწყდება გული სხვა რომელიმე კერძზე?
აბსოლუტურად მრავალფეროვანი არის გასტრონომიული შეთავაზება, რასაც საქართველო სთავაზობს სტუმრებს. ჩვენ გამოგვარჩევს სუფრის ესთეტიკა და ის მასპინძლობის ფორმა, რასაც ქართული გასტრონომია გულისხმობს.
სად გვაქვს ცუდად საქმე?
ვიტყოდი, რომ პროდუქტებში. ტურისტს მარტო ფულს ვახარჯვინებთ ჭამაში. რაში შეიძლება, რომ ტურისტს კიდევ დაახარჯვინო ფული, ეს არის, რა თქმა უნდა, წარმოებები. იქნება ეს მოდის ინდუსტრია, კერამიკა თუ ხელოვნების დარგები. ძირითადად ატრაქციის ობიექტები არ გვაქვს. ძალიან მდიდარი კულტურა გვაქვს, მაგრამ არ არის სათანადო ფორმით წარმოდგენილი. ამ წუთში არის გასტრონომია წინ და ფონად კულტურა. მე ვისურვებდი, რომ კულტურა იყოს წინ და გასტრონომია ფონად, რადგან გვაქვს.
