ზაფხულის ცხელ დღეებში სახის კანს განსაკუთრებული მოვლა ესაჭიროება. არ აქვს მნიშვნელობა რამდენად ხარისხიან დამატენიანებელ კრემსა და გამწმენდ ნიღბებს იყენებთ, მაღალ ტემპერატურასთან ერთად, მზის სხივები და დღის განმავლობაში გარეთ არსებული მტვრის ნაწილაკები კანის ჯანსაღი სტრუქტურის პირველი მტერია.
გთავაზობთ ჰეილი ბიბერის რჩევებს, რომლებიც შეიძლება თქვენი ზაფხულის რუტინის ნაწილადაც იქცეს:
მზისგან დამცავი კრემის გარეშე არ გახვიდეთ გარეთ
„ყველაზე მნიშვნელოვანი პროდუქტი ჩემი ყოველდღიური რუტინაში მზისგან დამცავი კრემია“-ამბობს ჰეილი.
მისი რჩევით, ყოველთვის უნდა გამოიყენოთ SPF 30 ან უფრო მაღალი დაცვა და არა მხოლოდ მაშინ, როცა სანაპიროზე მიდიხართ. მზის სხივები ყოველდღიურად აზიანებს კანს, რაც დროთა განმავლობაში იწვევს პიგმენტაციას, სიმშრალესა და ნაადრევ ნაოჭებს.
ჰეილის რუტინაში დღის მანძილზე უპირატესობა ენიჭება მსუბუქ, თხელი ტექსტურის მქონე გელს ან ჰიალურონის მჟავაზე დაფუძნებულ შრატს. ზაფხულში კანი უფრო მეტად ოფლიანდება, ამიტომ ამის თავიდან ასარიდებლად უმჯობესია კანი არ დავამძიმოთ;
სახის მასაჟი ყინულის კუბებით
ჰეილი ხშირად იყენებს ყინულის კუბებს ან ცივ მასაჟორებს სახის შეშუპებისა და სიწითლის მოსახსნელად. ეს მარტივი მეთოდი ამშვიდებს კანს და მატებს ბზინვარებას;
მინიმალური მაკიაჟი და კანის „დასვენება“
„ჩემი კანი ყველაზე ლამაზი მაშინ არის, როცა სუნთქვის საშუალება აქვს“
ინტერვიუებში ხშირად აღნიშნავს, რომ ზაფხულში ტონალურ კრემებს ერიდება და მხოლოდ მცირე რაოდენობით კონსილერს, რუჟს ან ლიფტინგ-სპრეის იყენებს. მიეცით კანს ბუნებრივად ფუნქციონირების საშუალება.
სწორი კვება = კაშკაშა კანს
მოდელი ხშირად აქცენტს კვების მნიშვნელობაზე აკეთებს. მისი აზრით, კანის ბზინვარება იწყება შიგნიდან. წყალი, სეზონური ხილი და ბოსტნეული – ანტიოქსიდანტებით სავსე პროდუქტი, ჰეილის სილამაზის საიდუმლოა.
