შემოდგომის სეზონზე მონოქრომული სტილი ერთ-ერთი ყველაზე პოპულარული და გავრცელებულია. ცნობილი ადამიანები, მოდის ბლოგერები და ინფლუენსერები ხშირად გვთავაზობენ შავ, თეთრ და ჩალისფერ Look-ებს, რომლებიც ყოველწლიურად აქტუალურია.
მონოქრომული ჩაცმულობის ერთ-ერთი ყველაზე დადებითი მხარე მისი სისადავე და სიმარტივეა, რადგან მსგავსი ფერის სამოსის შეხამებას უფრო ნაკლები დრო სჭირდება, ვიდრე ფერადს.
The Pussycat Doll-ის ვარსკვლავმა, 40 წლის ამერიკელმა მომღერალმა ეშლი რობერტსმა ამჯერად სწორედ მონოქრომული სტილი მოირგო.
შემსრულებელმა MIMII London-ის ნაქსოვი კაბა მოირგო, რომელსაც ტყავის მაღალყელიანი ჩექმები, ჩალისფერი “თრენჩი” და Yves Saint Laurent-ის ჩანთა შეუხამა.
