ყველასთვის სასიამოვნო სიახლეა ის, რომ არაბთა გაერთიანებული საამიროების მიმართულებით ამოქმედდა უვიზო რეჟიმი, რაც ნიშნავს იმას, რომ ნებისმიერ დროს შეგვიძლია გადავწყვიტოთ და გავემგზავროთ მომენტალურად. პირობითად, თუ გვსურს დუბაიში გამგზავრება, შეგვიძლია ბილეთი შევიძინოთ და რამდენიმე საათში გავფრინდეთ, ყოველგვარი სავიზო პროცედურების გარეშე. ეს ყველაფერი გვაძლევს იმის საშუალებას, რომ ძალიან მარტივად და რაიმე გართულების გარეშე დავგეგმოთ ჩვენი მოგზაურობა მოცემული მიმართულებით.
მოგეხსენებათ, დუბაი ძალიან აქტუალური მიმართულებაა. უამრავი ტურისტი ჩადის მთელი მსოფლიოდან. აქ არის საოცრად ბევრი შთამბეჭდავი სანახაობა, თანამედროვე სტილის შენობა, ატრაქციონი… მოკლედ, ნებისმიერი სურვილის მქონე მომხმარებელს ერგება და ჩუქნის დაუვიწყარი მოგზაურობის ემოციებს, რომელიც ყველა ჩვენგანს გვჭირდება.
ამ ყველაფერს ემატება ისიც, რომ როგორც თბილისიდან, ასევე ქუთაისიდან უამრავი ავიარეისი ხორციელდება. ქუთაისიდან Wizz Air გვაძლევს იმის საშუალებას, რომ გავემგზავროთ აბუ-დაბის მიმართულებით, სადაც საკმაოდ ბიუჯეტურად შეგვიძლია ვიმოგზაუროთ. აქედან შესაძლებელია დუბაიშიც გადავიდეთ, შესაბამისად, ეს კომბინირებული ვარიანტი შესაძლოა საკმაოდ ხელმისაწვდომ ფასად დაიგეგმოს.
მოცემულ მიმართულებაზე შესაძლებელია როგორც მაღალი კლასის, ასევე ბიუჯეტური ტურის დაგეგმვა. არის უამრავი რესტორანი თუ ბარი, რომელიც მაღალი კატეგორიის მომხმარებელს შესაძლოა აინტერესებდეს და მოინახულოს. აქ თქვენ შეხვდებით ატრაქციონებს, ექსტრემალური სპორტის სახეობებს, საფარის ტურებს და სხვადასხვა თემატიკის აქტივობებს, რომელიც ძალიან საინტერესოა. ასევე, აქ ხორციელდება პარაშუტით ხტომა პალმაზე, რომელიც ექსტრემალური თემატიკის მოყვარულებს ძალიან კარგ გამოცდილებას სძენს. აქ თქვენ შეძლებთ მსოფლიოს ყველაზე მაღალ შენობაზე – ბურჯ ხალიფაზე ასვლას, საუცხოო ხედებით ტკბობას, იახტით გასეირნებას და კიდევ უამრავი აქტივობის საკუთარ თავზე გამოცდას.
