მანამ სანამ შრი-ლანკის ულამაზეს სანაპიროზე აღმოვჩნდებოდი ჯერ კუნძულზე ინფორმაციას გავეცანი და წარმოვიდგინე, თუ როგორი დაუვიწყარი თავგადასავალი მელოდა წინ. ეს ის შემთვევაა, როდესაც რეალობამ მოლოდინს გადააჭარბა. ტროპიკული კლიმატი, ოკეანე, ულამაზესი სანაპიროები პალმებით, კაშკაშა მზე, გასაოცრად მწვანე და განსაკუთრებული ბუნება, უძველესი კულტურა, ეგზოტიკური ხილი, უგემრიელესი საკვები და ველური ბუნება – ეს კუნძული შრი-ლანკაა.
თბილისიდან დუბაის გავლით შრი-ლანკაზე მოხვედრა ყველაზე მოსახერხებელია, ავიაკომპანია „ფლაი დუბაის“ დახამრებით კომფორტულად ვიმგზავრე. დუბაიდან შრი-ლანკამდე მოცდის პერიოდი „ფლაი დუბიას“ შესანიშნავ ბიზნეს ლაუნჯში გავატარე, სადაც კომფორტული და სასიამოვნო გარემო დამხვდა, სწორედ ამიტომ დროის გასვლა ვერც კი ვიგრძენი ისე აღმოვჩნდი კოლომბოს აეროპორტში, ნახევარ საათში კი თვალუწვდენელ „ნეგომბოს“ პალმებიან და ოქროს ქვიშიან სანაპიროზე, Club Dolpfin Negombo-ს სასტუმროში დავბინავდი, რომელიც ორგანულად არის შერწყმული გარემოსთან. თითოეული წუთით ვტკბებიოდი – ჯერ გავცურე, შემდეგ მზეს მივეფიცხე. ამასობაში ვახშმის დროც მოსულა, მოლოდინი დიდი მაქვს, ვფიქრობ, წინ უგემრიელესი კულინარიული თავგადასავალი მელოდება. შრი-ლანკა ზღვის პროდუქტების და ხილის მოყვარულებისთვის სამოთხეა, ჯერ კალმარებს და კრევეტებს მივირთმევ ვარდისფერ ბრინჯთან ერთად, ხოლო დესერტად უგემრიელეს მარაკუიას, ანანასს და მანგოს.
ულამაზეს სანაპიროზე ნებივრობის და გემრიელი გემოების დაგემოვმნების შემდეგ მოგზაურობის დროც დადგა – უძველესი კლდეში ნაკვეთი ციხესიმაგრე – „სიგირიია“ უნდა მოვინახულო. თავდაპირველად მუზეუმს ვესტუმრე, სადაც შრი-ლანკის უძველესი კულტურული მემკვიდრეობაა დაცული და შემდეგ კი გიდს „ლომის კლდის“ სანახავად მივყავარ. ნამდვილად ველური ბუნებაა, უამრავი მაიმუნის თანხლებით და თვალუწვდენელი კიბეებით „ლომის კლდის“ კენწეროსკენ მივდივარ, კლდის ზემოდან კი ულამაზესი ბუნების დაუვიწყარი ხედები იშლება.
საინტერესო მოგზაურობის შემდეგ შთაბეჭდილებების ქვეშ ვარ. საღამოს დავბიანვდი სასტუმრო Cinnamon lodge, Habarana-ში, რომელიც მწვანე ტყეში მდებარეობს, სადაც ფრინველები და ცხოველები ადამიანებთან ერთად ცხოვრობენ. მდიდრული გარემო, ულამაზესი აუზი, ჩიტების ჭიკჭიკი, კეთილგანწყობილი და მომღიმარი მომსახურე პერსონალი საუკეთესო დასვენების წინაპირობაა.
მთისკენ მივემართები, გზად ჩაის პლანტაციაში გავიარე, დავაგემოვნე და შევიძინე კიდეც სხვადასხვა არომატის ჩაი. ჩემნაირი ჩაის მოყვარული ადამიანებისთვის ეს ადგილი სამოთხეა. მოგეხსეენბათ, რომ შრი-ლანკა (ცეილონი) ცნობილია ჩაის უძელესი კულტურით.
შემდეგი გაჩერება კი ქალაქი ქანდია, ის მთებითა და ტბებითაა გარშემორტყული. გარდა კოლონიალური (ბრიტანული) არქიტექტურის ულამაზესი და მდიდრული ვილებისა, ქანდი ცნობილია Dalada Maligawa–ს ბუდისტური ტაძრით, რომელიც ძალიან შთამბეჭდავია. სადილისთვის, ქალაქ ქანდიში Early Regency–ს ულამაზეს ადგილზე გავჩერდი, სადაც ცოტა ხნით ვიქტორიანულ ეპოქაში აღმოვჩნდი. გულისხმიერი მომსახურე პერსონალი, გემრიელი კერძები, სიმწვანეში ჩაფლული გარემო და სუფთა ჰაერი შეგრძნებებს განსაკუთრებულს ხდის.
სადილის შემდეგ, ბუდისტურ ტაძარს ვესტუმრე, ჩემ წინ ულამაზესი ფერადოვნება გადაიშალა – ბუდას მოოქროვილი ქანდაკებები, მრავალფეროვანი ყვავილები, პროცესია და სპილოს ქანდაკებები შრი-ლანკის სულიერ მდგომარეობას კარგად აღწერს. გზად სპილოები შემომხვდენენ, მათ შორის უნიკალური ვარდისფერი სპილო.. წინ შრი-ლანკას ნაციონალური პარკი და ველური ბუნება მელოდება. მანამდე კი სასტუმროში ,,Cinnamon Wild Yala’’ მივედი, სადაც მაიმუნები, ფარშევანგები, ციყვები და დათვებიც კი ჩვეულებრივად თანაცხოვრობენ ადამიანებთან ერთად, მასპინძლები უგემრიელესი ვახშმით გამიმასპინძლდნენ.
მეორე დილას ნაციონალურ პარკისკენ გავეშურე და მართლაც „ველურ სამყაროს“ ვეზიარე: ფარშევანგები, ნიანგები, სპილოები, ირმები, ლეოპარდები… დაუვიწყარი შთაბეჭდილება იყო ამ ველურ ბუნებაში მოგზაურობა.
ვუბრუნდები ოკეანეს სანაპიროს, აღსანიშნავია, რომ შრი-ლანკას სანაპირო, აღიარებულია როგორც ერთ-ერთი ულამაზესი დედამიწაზე. „ბენტონტა“ – შრი-ლანკის ერთ-ერთი ყველაზე პოპულარული და გრძელი სანაპიროა, მდიდრული ცხოვრების მოყვარულებისთვის.
ამ მოგზაურობაში ჩემი ფავორიტი სასტუმრო Cinnamon Bentota Hotel-ია. ულამაზესი ავთენტური ინტერიერით, ორი დიდი აუზით და გარემოსთან კარგად შერწყმული ისტორიული შენობით. შიდა აუზები, განსაკუთრებულად დახვეწილი და მოდერნიზებული ავეჯი და დიზაინის დეტალები სასტურმოს დახვეწილობას კიდევ უფრო უსვამს ხაზსს.
კიდევ ერთ რეკომედაციას მოგცემთ, აიურვედას მასაჟის გარეშე შრი-ლანკა არ დატოვოთ. კოლომბოსკენ მიმავალ გზაზე Siddahalepa Aiurveda Resort & Spa-ს ვესტუმრე, მშვიდი და კომფორტული გარემოა. ჩაის მირთმევის შემდეგ მასაჟის დრო მოვიდა და აქ სხვა განზომილებაში გადავედი. ერთ საათიანი მასაჟის შემდეგ ყველანაირი სტრესის და უარყოფითი ენერგიისგან გავთავისუფლდი. ერთი რამ ზუსტად ვიცი, აქ აუცილებლად დავბრუდნები, რათა შევისწავლო მასაჟის ეს მიმართლება, რადგან ეს მიდგომა არის ფიზიკური და სულიერი ჯამრთელობის გაუმჯობესების ერთ-ერთი საუკეთესო გზა.
შრი-ლანკაზე მოგზაურობა ნელ-ნელა დასასრულს უახლოვდება, ბოლო დანიშნულება კოლომბოა. ის შრი-ლანკის ბიზნეს და კომერციული დედაქალაქია. დიდ და ლამაზ სასტურმოში Cinnemon Grand Colombo ვბინავდები. დახვეწილი, მდიდული გარემო და ულამაზესი ხედები. ამ სასტუმროში ძირითადად საქმიან ადამიანებს შეხვდებით, რადგან სასტურმოს საუკეთესო მდებაროება და ბიზნეს შეხვედრებისთვის ყველა საჭირო სივრცე აქვს. საღამოს კოლომბოს ქუჩებში ვსეირნობ, სანაპირო ზოლზე ბავშვებს ფერადი ფრანები აქვთ გაშლილი და ქუჩაში ადგილობრივი სწრაფი კვების პროდუქტებია გამოფენილი. ფართო ხმაურიანი ქუჩები სავსეა სურნელოვანი სანელებლებით, ფერადი აბრეშუმებით და ტუკ-ტუკებით. განსაკუთრებით აღსანიშნავია კეთილგანწყობილი და ღიმილიანი ადამიანები, რომლებიც ძალიან სტუმართმოყვარეები არიან.
გარდა ამისა, მინდა აღვნიშნო, რომ მოგზაურობის მთავარი ხიბლი და დაუვიწყარი მოგონებები ჩემი კოლეგები და მეგობრები არიან, რომლებთან ერთადაც უამრავი სახალისო ისტორია და მოგონებები მაკავშირებს.
განსაკუთრებული მადლობა ორგანიზატორებს: შრი-ლანკის საპატიო კონსულს, ნინო მახვილაძეს, შრი-ლანკის ტურიზმის სამინისტროსა და შრი-ლანკის საელჩოს თურქეთში. ასევე, უდიდესი მადლობა გულითადი მასპინძლობისთვის Sri Lanka Tourism Promotion Bureau-სა და „Cinnamon Hotels & Resorts“-ების ქსელს.
