მსოფლიოს ყველაზე მდიდრულ ქალაქ დუბაიში დასვენება ყველა სეზონზე ძალიან კარგი იდეაა, თუმცა შემოდგომა-ზამთრის გრილი და ცივი დღეებისთვის მზიანი დუბაი საუკეთესო გადაწყვეტილებაა. დუბაიში მოგზაურობა კონტრასტების ქალაქში მოგზაურობას ჰგავს, სადაც თანამედროვე მეტროპოლიის ენერგია და ტრადიციული უდაბნო ერთმანეთს ერწყმის. თქვენ შეგიძლიათ დატკბეთ უდაბნოს ულამაზესი პეიზაჟით, რომელიც ქალაქსაა გარშემორტყმული.
აღსანიშნავია დუბაის ცნობილი პლაჟები – წარმოუდგენლად მშვიდი წყალი, რომელიც ქალაქის ხასიათს მნიშვნელოვან შტრიხს სძენს. ასევე, შთამბეჭდავია „ბურჯ ხალიფა“, რომელიც მსოფლიოში ყველაზე მაღალი ცათამბჯენია.
ჟურნალი OK! გიზიარებთ ადგილებს, რომელსაც დუბაიში ყოფნისას აუცილებლად უნდა ესტუმროთ:
სასტუმრო Rixos Premium–ში დასვენება ერთ-ერთი საუკეთესო გადაწყვეტილებაა.
ეს არის ზღვისპირა მდიდრული რეზიდენცია, სადაც დინამიკური ქალაქის პეიზაჟი წყნარი ზღვის სანაპიროს ჰარმონიულად ერწყმის. კომფორტისა და სიამოვნების სინთეზი კი მდიდრული ცხოვრების გამოცდილებას გპირდებათ.
თქვენ ასევე, შეგიძლიათ მოინახულოთ დუბაის მომავლის მუზეუმი – Museum of the Future, რომელიც National Geographic-მა მსოფლიოს 14 ულამაზესი მუზეუმის სიაში შეიყვანა.
აქ გაეცნობით გლობალურ გარდაქმნებს, რომლებიც მომდევნო 50 წლის განმავლობაში მოხდება; ინოვაციებს, რომლებიც შექმნილია მთელი კაცობრიობის ცხოვრების გასაუმჯობესებლად, როგორიცაა ხელოვნური ინტელექტი; ამასთანავე, ყურადღება გამახვილებულია კოსმოსის კვლევის მომავალზე, გარემოსდაცვით საკითხებსა და კლიმატის ცვლილებაზე.
შემდეგი გაჩერება კი – რესტორანი CE LA VI, MICHELIN გიდის მიხედვით ერთ-ერთი საუკეთესოა დუბაიში.
ის 54-ე სართულზე მდებარეობს და შესანიშნავი ადგილია ლანჩისა და სადილისთვის. აქ თქვენ შეგიძლიათ მიირთვათ უგემრიელესი კერძები და დატკბეთ დუბაის ერთ-ერთი ყველაზე საკულტო ღირსშესანიშნაობის, „ბურჯ ხალიფას“ ხედებით. მეგობრული პერსონალი და თანამედროვე კერძების გლობალური გავლენა აუცილებლად დაგამახსოვრებთ თავს.
თუ თქვენ ერთდროულად გსურთ დასვენება, კომფორტი და გემრიელი კერძების დაგემოვნება, რომელიც მსოფლიოში ერთ-ერთი საუკეთესოა, მაშინ Atlantis The Royal-ს უნდა ესტუმროთ.
ადგილს, სადაც ყოველ წამს რაღაც წარმოუდგენელი და განსაკუთრებული ხდება. Atlantis The Royal-მა მსოფლიოში საუკეთესო შეფმზარეულები შეკრიბა, რათა სტუმრებმა ერთმანეთზე უკეთესი ახალი კერძები დააგემოვნონ.
მათ, ვისაც ბერძნული სამზარეულო გიყვართ, ეს შანსი არ უნდა გამოტოვოთ და MILOS-ის რესტორანს ესტუმროთ, რომელიც აღიარებულია, როგორც ერთ-ერთი საუკეთესო ხმელთაშუა ზღვის ბერძნული რესტორანი, სადაც ცნობილი შეფმზარეული, კოსტას სპილიადისი გიმასპინძლებთ და დაუვიწყარ გემოებს გპირდებათ.
დუბაის უდაბნოს საფარების მონახულება კი კომპანია Platinum Heritage-ს უნდა მიანდოთ.
ეკოტურიზმის საუკეთესო კომპანია დაუვიწყარ, შთამბეჭდავ და დასამახსოვრებელ თავგადასავლებს გპირდებათ. უდაბნოს თვალწარმტაცი ოაზისი, გიდები, რომლებიც საინტერესო ისტორიებს გვიყვებიან და ველური ბუნების ფაუნა, ეს ყველაფერი შენი ცხოვრების ორიგინალური და საინტერესო გამოცდილება იქნება, რომელიც არასოდეს დაგავიწყდება.
ჩვენი ბოლო გაჩერება არის Alserkal Avenue – თანამედროვე ხელოვნების გალერეების, ვიზუალური და საშემსრულებლო ხელოვნების ორგანიზაციების, დიზაინერებისა და ხელოსნობის სივრცეების აქტიური საზოგადოება.
აღნიშნული გამზირი მნიშვნელოვანი პლატფორმაა არაბეთის გაერთიანებული საემიროების ხელოვანებისა და კულტურული მოღვაწეების, კრეატიული მეწარმეებისა და ადგილობრივი ინიციატივებისთვის.
ეს ადგილები, რომელთაც ჩვენ რეკომენდაციას ვუწევთ, დასასვენებლად და ახალი ემოციების შესაგროვებლად საუკეთესოა. რელაქსი, უგემრიელესი და დასამახსოვრებელი გემოები, ინოვაციების მუზეუმი და უდაბნოს საფარები, – ეს იმ უპირატესობათა მცირე ჩამონათვალია, რაც დუბაის, ტურისტული თვალსაზრისით, მიმზიდველსა და სასურველს ხდის. აღნიშნული მოგზაურობის დაგეგმვაში კი www.visitdubai.com დაგეხმარებათ.
