რამდენიმე დღის წინ ვენეციაში გამართული “დოლჩე და გაბანას “ალტა-მოდას” პრეზენტაცია მოდის სამყაროს ეპიცენტრში იყო. ამჯერად უცხოური გამოცემების, ტაბლოიდებისა და კინომოყვარულების ყურადღების ცენტრში ერთ–ერთი ყველაზე პრესტიჟული მოვლენა, ვენეციის ყოველწლიური, რიგით 78-ე კინოფესტივალი ექცევა.
ღონისძიებას დღეს ლეგენდარული რეჟისორის პედრო ალმოდოვარის ფილმმა Madres paralelas-მა გახსნა რომელშიც მთავარ როლს ხელოვანის მრავალწლიანი მუზა, 47 წლის ესპანელი მსახიობი პენელოპა კრუზი თამაშობს.
ფილმის პრემიერას არაერთი ცნობილი ადამიანი დაესწრო.
მათ შორის იყვნენ ბრაზილიელი მოდელი ადრიანა ლიმა და მისი ახალი მეგობარი მამაკაცი, პროდიუსერი ანდრე ლემერსი.
ადრიანა კინოფესტივალის წითელ ხალიჩაზე “ეტროს” წითელი კაბით გამოჩნდა.
