გარდა იმისა, რომ სამკაულს შეუძლია განსაკუთრებული გახადოს თქვენი ჩაცმულობა, ასევე შეუძლია მოჰყვეს ამბავი თქვენ შესახებ. 8elements-ის სამკაულის ან ბუნებრივი ქვებისა და მინერალების არჩევით, თქვენ გამოხატავთ საკუთარ ხასიათსა და ინდივიდუალიზმს.
როგორც ჟურნალ OK!-ისთან საუბრისას 8elements-ის დამფუძნებელი ბელა შათირიშვილი აღნიშნავს, 8elements-ის მომხმარებელი არის საინტერესო და ძლიერი ქალი, რომელმაც ზუსტად იცის, რა უნდა და ეს იგრძნობა იმ აქსესუარებში, რომლებსაც ირჩევს.
ალბათ განსაკუთრებულად სასიამოვნოა, როცა სამკაული პირადად თქვენთვის იქმნება. სწორედ ამის საშუალებას იძლევა 8elements-ი − თქვენ შეგიძლიათ ადგილზე, თქვენი გემოვნებით ააწყოთ სასურველი აქსესუარი.
8elements-ის სამკაულების კოლექცია დაგეხმარებათ ხაზი გაუსვათ საკუთარი ხასიათის შტრიხებს და უფრო განსაკუთრებული გახადოთ თქვენი სტილი.
გამოწვევები…
კომპანიამ პანდემიის პერიოდში არაერთი გამოწვევა გადალახა − შეძლო გადასულიყო ონლაინგაყიდვებზე და არსებულ კოლექციასთან ერთად, საზოგადოებისთვის შეეთავაზებინა სიახლე − საჭირო პროდუქცია ხელნაკეთი სამკაულების შესაქმნელად.
„მოგეხსენებათ, პანდემიის დროს შინ ყოფნა ბევრისთვის სტრესული აღმოჩნდა, ამის შესაცვლელად კი ჩვენ შევეცადეთ საზოგადოებისთვის შეგვეთავაზებინა პროდუქცია − ხელნაკეთი აქსესუარების შესაქმნელად. ამ სიახლეს მოჰყვა დიდი გამოხმაურება მომხმარებლის მხრიდან. ძალიან მიხარია, თუ შევძელით და მცირე წვლილი შევიტანეთ კრიზისული სიტუაციის გადალახვაში“, − ამბობს ბელა შათირიშვილი.
მომხმარებელს საახალწლოდ დახვდება როგორც ახალი კოლექცია, ასევე უამრავი სიურპრიზი − სასაჩუქრე box-ები.
ბელა შათირიშვილი: „ახლახან დავესწარი მინერალოგების ყველაზე მაღალი რანგის საერთაშორისო გამოფენას, სადაც შევიძინე უნიკალური საკოლექციო ეგზემპლარები, ასევე როდირებული ვერცხლით დამზადებული სამკაული, რომელიც შესრულებულია გამორჩეული მინერალებით. სწორედ აღნიშნული სიახლე ელის მომხმარებელს ჩვენთან. მსგავსი უნიკალური ეგზემპლარების შეძენა საქართველოში ამ ეტაპზე მხოლოდ ჩვენთან არის შესაძლებელი. არ გამოტოვოთ ეს შანსი საინტერესო საახალწლო საჩუქრის შერჩევისას“.
სამომავლო გეგმები…
8elements მომხმარებელს 2023 წლისთვის უამრავ საინტერესო სიახლეს და აქტიურ რეჟიმში მუშაობის გაგრძელებას ჰპირდება.
ბელა შათირიშვილი: „8elements-ი ცდილობს მუდმივად სიახლეები შესთავაზოს მომხმარებელს. გარდა ახალი კოლექციებისა, ჩვენ ასევე ვგეგმავთ განვაახლოთ მასტერკლასები მინერალების შესახებ, რომელიც უფრო კარგად გააცნობს საზოგადოებას ნატურალურ ქვებს, ასევე, შეასწავლის სამკაულების აწყობასა და შექმნას 8elements-ში არსებული ქვებით. ძალიან ბევრი საინტერესო იდეა გვაქვს მომავალი წლისთვის და შევეცდებით ყველაფერი სრულვყოთ“.
ტექსტი: სოფიო მალანია
