19 იანვარს, „შერატონში“პროფესორმა არსენ გვენეტაძემ, ზურაბ საბახტარაშვილის რეპროდუქციული კლინიკის კლინიკურ დირექტორთან, რეპროდუქტოლოგთან, მედიცინის აკადემიური დოქტორთან ლელა ირემაძესთან და კლინიკის გენერალურ მენეჯერთან თამარ მელიქიძესთან ერთად, მედიის წარმომადგენლებისა და მეგობრების ვიწრო წრისთვის შეხვედრა გამართა, რომელიც უბრალოდ პრეზენტაცია არ ყოფილა, ეს იყო გულწრფელი საუბარი სიცოცხლეზე, შრომაზე და იმ სიხარულზე, რომელსაც ახალი ადამიანის დაბადებას მოაქვს.
შეხვედრა განსაკუთრებული ემოციით და პასუხისმგებლობის განცდით იყო გაჯერებული. პროფესორმა არსენ გვენეტაძემ წარმოადგინა ზურაბ საბახტარაშვილის რეპროდუქციული კლინიკის 2025 წლის შედეგები. ციფრები, რომლებიც ერთი შეხედვით ჩვეულებრივ სტატისტიკად ჟღერს, თუმცა ამ შემთხვევაში ადამიანურ ისტორიებად გადაიქცა — 899 ახალი სიცოცხლე – თითოეული მათგანი ცალკე ისტორიაა, ცალკე გამარჯვება და დიდი იმედი. 899 ახალი დასაწყისი, 899 ოჯახში შემოსული სიხარული.
ქალბატონმა ლელა ირემაძემ ისაუბრა არა მხოლოდ კლინიკის სამედიცინო მიღწევებზე, არამედ იმ დიდ ემოციაზე, რომელსაც ახალი ადამიანის დაბადება მოაქვს — იმ იმედზე, რომელიც წლების მოლოდინის შემდეგ რეალობად იქცევა. ეს იყო საუბარი მეცნიერებაზე, პროფესიონალიზმზე და იმ უხილავ ძალაზე, რასაც მშობლობის ბედნიერება ქვია. ხოლო რეპროდუქტოლოგის უშუალო ჩართულობა ემბრიოლოგიურ პროცესებში უმნიშვნელოვანესია მკურნალობის ხარისხისა და შედეგის გასაუმჯობესებლად!
აუცილებელია აღნიშნოს, რომ 5 გზის (2016; 19; 22; 24; 24-27;) ოფიციალურად სერტიფიცირებული ევროპული სტანდარტის, ზურაბ საბახტარაშვილის რეპროდუქციული კლინიკის ინვიტრო განაყოფიერების მიმართულების ხელმძღვანელმა, მედიცინის აკადემიურმა დოქტორმა, კლინიკურმა დირექტორმა-ლელა ირემაძემ, წარმატებით დაასრულა American Society for Reproductive Medicine (ASRM)-ის ერთწლიანი სასერტიფიკატო პროგრამა ემბრიოლოგიაში (ონლაინ ფორმატში).
ეს კიდევ ერთი მნიშვნელოვანი პროფესიული მიღწევაა!
ქალბატონამ თამარ მელიქიძემ კი აღნიშნა, რომ მუდმივი პროფესიული განვითარება და საერთაშორისო ცნობადობის ზრდა კლინიკის გუნდის მთავარი პრიორიტეტია. შეხვედრა კიდევ ერთხელ გახდა შეხსენება, რომ მედიცინა მხოლოდ მკურნალობა არ არის — ის სიცოცხლის შექმნაში თანამონაწილეობაა.
ბატონმა არსენმა სტუმრებს ასევე გაუზიარა თავისი ორი ახალი ნახატის მონახაზი, რომლებიც სიმბოლურად ეხმიანება სიცოცხლის თემას, და ასევე თავისი ახალი წიგნი, რომელიც პიროვნულ გამოცდილებასა და პირად ფიქრებზეა დაფუძნებული.
ეს იყო შეხვედრა, სადაც მეცნიერება, ხელოვნება და ადამიანური ემოცია ერთ სივრცეში გაერთიანდა. რომელმაც კიდევ ერთხელ შეგვახსენა, რომ მედიცინა მხოლოდ პროფესია არ არის — ეს არის რწმენა, შრომა და სიყვარული სიცოცხლის მიმართ.
