დიეტაზე გადასვლა ძალზედ მნიშვნელოვანი გადაწყვეტილებაა, რომელიც პროფესიონალთა რჩევას საჭიროებს. არც თუ ისე იშვიათად ადამიანები დიეტაზე ყოფნის დროს უშვებენ შეცდომას, რომლის გამოსწორებაც შემდეგ საკმაოდ რთულია და დიდ ძალისხმევას მოითხოვს. ყოველივე ამის თავიდან ასაცილებლად, ყოველთვის უნდა გვახსოვდეს, რომ ამ პერიოდში ჩვენს ორგანიზმს განსაკუთრებით სჭირდება სასარგებლო და ვიტამინებით მდიდარი პროდუქტები. OK! გიამბობთ იმ 3 ჯადოსნური პროდუქტის შესახებ, რომელთა დამატებაც კვების რაციონში თქვენს დიეტას უფრო სასარგებლოს, სასიამოვნოსა და ეფექტურს გახდის.
გოგრის თესლი
გოგრის თესლი გაჯერებულია პროტეინებით, უჯერი ცხიმებით, ანტიოქსიდანტებით და მაგნიუმით, რაც ეხმარება ორგანიზმს სისხლის გათხელებასა და ძილის რეჟიმის დარეგულირებაში. დიეტის დროს რეკომენდებულია დღეში ერთი ან ორი კოვზი გოგრის თესლის მიღება ხემსის სახით, რათა მარტივად გაიქროთ შიმშილის გრძონა.
სოკო
ვინაიდან სოკო ცილებით სავსე პროდუქტია, მის მცირე რაოდენობასაც კი შეუძლია გააქროს შიმშილის გრძნობა. მას ხშირად B ჯგუფის ვიტამინების წყაროდაც მოიხსენიებენ, რაც ამცირებს გულსისხლძარღვთა დაავადებების განვითარების საშიშროებას. აღსანიშნავია, რომ სოკო დაბალკალორიული პროდუქტია, რისი დამატებაც კვების რაციონში იძლევა საშუალებას სასიამოვნო გზით დაიკლოთ თქვენთვის არასასურველი კილოგრამები.
კიტრი
კიტრის 95%-ს წყალია, რაც აბალანსებს ორგანიზმში წყლისა და მარილის რაოდენობას. იგი უნივერსალური პროდუქტია, რომელიც იდეალურია მეტაბოლიზმის პროცესის დასაჩქარებლად, რაც მნიშვნელოვნად აჩქარებს წონაში კლების პროცესს.
