დღეს დღეობით დევიდ და ვიქტორია ბექჰემები ერთ-ერთი ყველაზე პოპულაული წყვილია. მათმა სიყვარულმა უამრავ დაბრკოლებას და წლებს გაუძლო, თუმცა ახლა მათ ოთხი შესანიშნავი შვილი ჰყავს, რომლებთან ერთადაც ბედნიერ ოჯახად რჩებიან, მათი არაჩვეულებრივი ურთიერთობა კი წლების ათვლას აგრძელებს.
წყვილმა ერთმანეთი 1997 წელს მანჩესტრეში, საქველმოქმედო საღამოზე გაიცნო. ერთი წლის შემდეგ კი ჯგუფ Spice Girls-ის სოლისტმა ერთ-ერთ პრესკონფერენციაზე გაამხილა, რომ ის და ბექჰემი დაინიშნენ. მოგვიანებით, ამავე წელს ცნობილი გახდა, რომ ისინი პირველ შვილს, ბრუკლინ ბექჰემს ელოდებოდნენ, რომელიც 1999 წლის 4 მარტს დაიბადა.
1999 წლის 4 ივლის დევიდი და ვიქტორია დაქორწინდნენ. ცერემონიალი დუბლინთან ახლოს, Luttrellstown-ის სასახლეში გაიმართა. ვიქტორიას Vera Wang-ის შესანიშნავი საქორწინო კაბა ეცვა, რომელთან ერთადაც 18 კარატიანი ოქროს გვირგვინი მოიხდინა, დევიდს და ბრუკლინს კი თეთრი კოსტუმები ეცვათ.
2002 წელს ცნობილი გახდა, რომ წყვილი მეორე შვილს ელოდებოდა. რომეო ამავე წლის 1 სექტემბერს დაიბადა.
მას შემდეგ ბექჰემების ოჯახში დიდი სკანდალი დატრიალდა. 2002 წელს დევიდმა მანჩესტერის გუნდი დატოვა და Real Madrid-ში გადავიდა. ესპანეთში ყოფნის პერიოდში გავრცელდა ჭორები, რომ ის ვიქტორიას ღალატობდა. პაპარაცებმა რამდენჯერმე ფეხბურთელი უცნობ ქალბატონთან ერთად დააფიქსირეს, მალევე გაირკვა, რომ ეს ქალბატონი რებეკა ლუსი, დევიდის ასისტენტი იყო.
რებეკას ძმამ, ჯონმა 2004 წელს Daily Mail-თან ინტერვიუში განაცხადა, რომ მის დას დევიდთან, რომანი ნამდვილად ჰქონა, თუმცა დევიდმა საპასუხო კომენტარი გააკეთა. „ეს არ არის სიმართლე. მე მყავს შესანიშნავი ცოლი და არაჩვეულებრივი შვილების, ამას არაფრის ფასად არ დავთმობ.“
ამავე წელს ვიქტორიამ გაამხილა, რომ მესამე შვილზეა ფეხმძმედ. 2005 წლის 20 თებერვალს ისინი კრუზის მშობლები გახდნენ.
2007 წელს ბექჰემების ოჯახში დიდი ცვლილებების დრო დადგა. დევიდი L.A. Galaxy-ს შეუერთდა, რის გამოც საცხოვრებლად ოჯახთან ერთად მზიან კალიფორნიაში გადმოვიდა.
2011 წელს დევიდის და ვიქტორიას ოჯახი კიდევ უფრო გაიზარდა. 10 ივლისს მათ პირველი გოგონა, ჰარპერი შეეძინათ. აღსანიშნაია, რომ ამავე წელს ბავშვის დაბადებამდე წყვილი პრინც უილიამის და ქეით მიდლტონის სამეფო ქორწილში იმყოფებოდა.
2013 წელს დევიდმა განაცხადა, რომ 21 წლიანი კარიერის შემდეგ ის ფეხბურთს ტოვებს. ის ოჯახთან ერთად ლონდონში დაბრუნდა, სადაც ვიქტორიამ სამოსის საკუთარი ბრენდი შექმნა.
დევიდი და ვიქტორია ინტერვიუების დროს დღემდე მათ ძლიერ სიყვარულზე საუბრობენ და ერთმანეთს მონათესავე სულებსაც კი უწოდებენ. სოციალურ ქსელებში ერთად გადაღებულ სურათებს ხშირად აქვეყნებენ და ერთმანეთის მიმართს უდიდეს სიყვარულს ხაზს ყოველთვის უსვამენ.
