2026 წლის პირველი სავსემთვარეობა 3 იანვარს, კირჩხიბის ნიშანში გველის. კირჩხიბი სახლის, ფესვების, ემოციური მეხსიერების ნიშანია, რომელიც განსაკუთრებით მძაფრად გვაგრძნობინებს უსაფრთხოებისთვის, სითბოსა და შინაგანი კომფორტისთვის რა გვჭირდება.
ამჯერად სავსე მთვარე ვენერასა და მარსის წინააღმდეგობას ხვდება, რომლებიც თხის რქის ნიშანში შეერთებას ქმნიან. მათი ენერგია საპირისპირო მხარესაა მიმართული – იქით, სადაც მნიშვნელოვანია მიზნები, პასუხისმგებლობა და მოვალეობა. თუ მთვარე კირჩხიბში გვეუბნება: „შეჩერდი, იგრძენი, იზრუნე საკუთარ თავზე“, ვენერა და მარსი თხის რქაში პასუხობენ: „მოიკრიფე ძალები, იმოქმედე და პოზიციები გაიმყარე“. სწორედ ამ ორ პოლუსს შორის იწყება შინაგანი დიალოგი, რომელსაც თითოეული ჩვენგანი ინდივიდუალურად განიცდის.
არქეტიპების დახასიათება:
მთვარე კირჩხიბში ეს არის ენერგია, რომელიც მტკიცებულებებს არ საჭიროებს – ის უბრალოდ არსებობს. სავსემთვარეობის დღეებში ეს ენერგია ჩვეულებრივზე მეტად იმატებს და ჩვენ ყველაფერს უფრო მეტად აღვიქვამთ, ვიდრე სხვა დროს.
ვენერა თხის რქაში ეს არის მოწიფული სიყვარულის არქეტიპი – სიყვარულის, რომელიც არა ემოციურ აფეთქებებზე, არამედ საიმედოობაზე შენდება. ის აფასებს დროს, ძალისხმევას და საკუთარი პრინციპების ერთგულებას. ეს არის ჩვენი ნაწილი, რომელსაც სურს არა მხოლოდ გრძნობა, არამედ შედეგის დანახვაც. ის ემოციებს კი არ ეძლევა, არამედ აშენებს მათ, როგორც სახლის საძირკველს.
მარსი თხის რქაში „სტრატეგისა და მეომრის“ არქეტიპია, რომელიც მოქმედებს არა იმპულსურად, არამედ მიზანმიმართულად. მისი ძალა დისციპლინაში და დაწყებული საქმის ბოლომდე მიყვანის უნარშია. ის ვერ იტანს ქაოსს და სიცხადეს ითხოვს – საით წავიდეთ, რისთვის და რა ფასად.
ეს სავსემთვარეობა თითქოს გვეკითხება:
„სად გადის ზღვარი იმას შორის, რასაც ვგრძნობთ და იმას შორის, რისი გაკეთებაც გვევალება? როგორ არ დავკარგოთ საკუთარი თავი მიზნებისკენ სწრაფვაში და როგორ არ ჩავიძიროთ ემოციებში ისე, რომ რეალობა დაგვავიწყდეს?“
რას უნდა მიაქციოთ ყურადღება ამ პერიოდში:
- ოჯახი და კარიერა“
კირჩხიბი მართავს მე-4 სახლს (პირადი ცხოვრება, ფესვები), ხოლო თხის რქა – მე-10 სახლს (სოციალური სტატუსი, კარიერა). 3 იანვრისთვის მოსალოდნელია, რომ ბევრს შინაგანი კონფლიქტის განცდა გაუჩნდება:
ერთმხრივ, სახლში დარჩენა, სიმყუდროვე და ახლობლებთან ყოფნა გინდათ.
მეორეს მხრივ, სამსახურებრივი მოვალეობები ან ამბიციები გაიძულებთ, მაქსიმალურად ნაყოფიერად იმუშაოთ.
რჩევა – ნუ ეცდებით ორივე ფრონტზე “სუპერგმირი” იყოთ და ეს დღეები ემოციურ განტვირთვას დაუთმეთ.
- ვენერა–მარსის შეერთება (ვნება და პასუხისმგებლობა)
ვენერა-მარსის კავშირი თხის რქაში ნიშნავს, რომ ურთიერთობებში ახლა “ვარდისფერი სათვალით” ყურების დრო არ არის.
ახალი ურთიერთობები: თუ ამ დროს ვინმეს გაიცნობთ, ეს კავშირი შეიძლება ძალიან მყარი და ხანგრძლივი აღმოჩნდეს.
არსებული კავშირები: კარგი დროა სამომავლო გეგმების, ბიუჯეტის ან საცხოვრებელი პირობების განსახილველად. სიყვარული აქ სიტყვით კი არა, საქმით უნდა დამტკიცდეს.
- რჩევები ნიშნების მიხედვით:
წყლის ნიშნები (კირჩხიბი, მორიელი, თევზები) -ეს თქვენი დროა. ინტუიცია პიკზე იქნება. შესაძლოა იგრძნოთ წინასწარმეტყველური სიზმრები ან მიიღოთ პასუხი კითხვაზე, რომელიც დიდი ხანია გაწუხებთ.
მიწის ნიშნები (თხის რქა, კურო, ქალწული) – თქვენთვის ეს პერიოდი სოციალურ აქტიურობასთანაა დაკავშირებული. შესაძლოა მნიშვნელოვანი გადაწყვეტილების მიღება მოგიწიოთ პარტნიორობაში (როგორც პირადში, ისე საქმიანში).
ცეცხლისა და ჰაერის ნიშნებისთვის – თქვენთვის ეს სავსემთვარეობა უფრო შინაგანი „ინვენტარიზაციის“ პერიოდია. კარგი იქნება, თუ ცოტა ხნით ხმაურიან გარემოს განერიდებით.
რას უნდა მოერიდოთ 3 იანვარს
ემოციურობას – კირჩხიბს ყველაფერი გულთან ახლოს მიაქვს. მოერიდეთ საქმის გარჩევებს, რადგან წყენა დიდხანს გაგყვებათ.
წარსულზე ფიქრს – ნუ მისცემთ მოგონებებს უფლებას, რომ ნოსტალგიურ განწყობაზე დაგაყენოთ და ენერგია წაგართვათ.
იმპულსურ შესყიდვებს: ვენერა თხის რქაში გირჩევთ, რომ ფული მხოლოდ ხარისხიან და საჭირო ნივთებში დააბანდოთ.
ასევე დაგაინტერესებთ:
