2026 წელს ქსოვა გატაცებაზე მეტი ხდება – ის თანამედროვე გარდერობის სრულფასოვან ნაწილად იქცევა. 2026 წელს ნაქსოვი ტანსაცმელი ფაქტობრივად, მოცულობის წყალობით „ცოცხლდება“, რაც მხოლოდ ლამაზი კი არა, შეხებისას სასიამოვნოა და თბილია.
2026 წელს ნაქსოვი ტანსაცმელი სტილის ცენტრალურ ელემენტად იქცევა. განსაკუთრებით პოპულარული მსხვილი ნაქსოვი იქნება. 8 მმ და უფრო მსხვილი ჩხირებით ნაქსოვი სვიტერები, კარდიგანები და პონჩოები იდეალურია მყუდრო, მაგრამ ამავდროულად ელეგანტური სტილის შესაქმნელად.
ბრტყელი და მარტივი ორნამენტები ადგილს უთმობს რელიეფურ და სკულპტურულ ნაქსოვს. მყარი ჟაკარდიც მოდაში ბრუნდება, თუმცა არა თხელი ზოლების, არამედ გრაფიკული, თითქმის არქიტექტურული ორნამენტების სახით.
თუ მოცულობითი ორნამენტებით მუშაობას მხოლოდ ახლა იწყებთ, სჯობს ისეთი ძაფი აირჩიო, რომელშიც მოჰერი ან ალპაკაა დამატებული – ის ფორმას შესანიშნავად ინარჩუნებს და ნაქსოვს განსაკუთრებულ სირბილეს სძენს.
მრავალფენიანობა (layering)
2026 წელს ნაქსოვი ნივთი მხოლოდ ზედა ტანსაცმელი აღარ არის – ის მრავალფენიანი ლუქების ცენტრად იქცევა. წარმოიდგინეთ, თხელ კაბაზე გადაცმული მოკლე, მაქმანიანი სვიტერი ან ნაქსოვი ჟილეტი გამჭვირვალე ტრენჩის ქვეშ, სქელი კარდიგანი, სახელოებზე ან ზურგზე მაქმანების ჩანართებით.. ეს ყველაფერი 2026 წლის ტენდენციებია და მათი შექმნა საკუთარი ხელით შეგიძლიათ.
მრავალფენიანობაში მთავარი კონტრასტია – უხეში ნაქსოვი ჰაეროვანის გვერდით, მჭიდრო ქსოვა გამჭვირვალე ბადის გვერდით, მოკლე ნაქსოვი გრძელის ზემოდან. ასეთი მიდგომა საშუალებას იძლევა ნაქსოვი ნივთები თბილ სეზონზეც ატაროთ და იმიჯი ბევრად უფრო საინტერესო გახადოთ.
ეკო–მასალები – ქსოვა პლანეტაზე ზრუნვით
დღეს სულ უფრო მეტი ადამიანი ფიქრობს იმაზე თუ საიდან მოდის ესა თუ ის ნივთი და როგორ მოქმედებს მათი წარმოება გარემოზე. ქსოვის მოყვარულებიც მათ შორის არიან, ამიტომ 2026 წელს განსაკუთრებით მოთხოვნადი ბუნებრივი, გადამუშავებული ან ინოვაციური ეკო-ძაფი იქნება.
ასევე დაგაინტერესებთ
#OK! Variety-ის კრიტიკოსებმა 2025 წლის ყველაზე ცუდი ფილმები დაასახელეს
