55 წლის ამერიკელმა მსახიობმა ჰოლი ბერიმ ახალი წლის პირველ დღეს სოციალურ მედიაში საუკეთესო მეგობართან ვან ჰანტთან ერთად გადაღებული რომანტიკული ფოტო გამოაქვეყნა, წარწერით “უკვე ოფიციალურად”.
მიუხედავად იმისა, რომ ვარსკვლავის გამოქვეყნებული პოსტის მეორე კადრი ნათელი მტკიცებულება იყო იმისა, რომ ჰოლი და ვანი მხოლოდ ხუმრობდნენ, ტრადიციულად უცხოური გამოცემების მიერ გავრცელებული მილოცვების შემდეგ, საზოგადოებაში “ვარსკვლავური წყვილის” გარშემო საუბარი მაინც დაიწყო.
სოციალურ მედიაში ჰოლი ბერიმ მოგვიანებით საახალწლო მილოცვა გამოაქვეყნა, საზოგადოებას ბედნიერი 2022 წელი უსურვა და განაცხადა, რომ მეგობართან ერთად უბრალოდ იხუმრა, რაც ძალიან სახალისო გამოვიდა.
”როგორც ჩანს ხალხი მეორე ფოტოს არ დააკვირდა, ჩვენ უბრალოდ ვიხუმრეთ და ამით ძალიან კარგად გავერთეთ. დიდი მადლობა კეთილი სურვილებისთვის, მართლაც ძალიან გულისხმიერი კომენტარები იყო.”
