ინოვაციური კომპანია „ჯეონატურალსი“ 2016 წლის 18 თებერვალს დაარსდა. მდებარეობს დედოფლისწყაროს მუნიციპალიტეტის სოფელ „გამარჯვებაში“ და აწარმოებს მზა სადილებს კონსერვის სახით.
საწარმო აღჭურვილია თანამედროვე ტექნოლოგიური დანადგარებით და ფლობს ISO 22000-ის საერთაშორისო სერტიფიკატს.
შპს „ჯეონატურალსი“ პროდუქციას უშვებს „სადილის“ ბრენდით, რომელიც 2020 წელს დაარსდა და პროდუქციას დისტრიბუციას უწევს საქართველოს მასშტაბით.
მომხმარებელს საშუალება აქვს შეიძინოს მოშუშული ხორცის როგორც პრემიუმხარისხი, ისე სტანდარტი და ეკონომი სხვადასხვა ზომის დაფასოებით (325გრ/425გრ/800გრ).
ასევე, კომპანია აწარმოებს სხვა პროდუქტებსაც, მათ შორის:
კომპანიის მთავარი უპირატესობა მაღალკვალიფიციური, გამოცდილი გუნდია, რომელიც თანამედროვე ტექნოლოგიების საშუალებით უმაღლესი ხარისხის პროდუქტს ქმნის.
კომპანიაში წარმოდგენილი პროდუქცია გამოირჩევა მაღალი ხარისხით. ლაბორატორიული ანალიზი, სტერილიზაცია 120 გრადუსზე და მიღებული საბოლოო პროდუქტის კიდევ ერთხელ სპეციალური შემოწმება − ეს ის პროცედურებია, რომლებსაც ყველა სტანდარტის დაცვით გადის პროდუქცია მომხმარებლამდე. ნებისმიერ ნედლეულს, რომელიც შედის წარმოებაში, აქვს შესაბამისი ხარისხის სერტიფიკატი.
საბოლოო ჯამში, მომხმარებლებს ვეხმარებით, რომ საკვების მომზადებაში ნაკლები დრო და ენერგია დახარჯონ. პროდუქტის კიდევ ერთი და უმთავრესი პრიორიტეტი და უპირატესობა ის გახლავთ, რომ არის ადვილად ტრანსპორტირებადი, მარტივად მოსამზადებელია და რაც მთავარია, შენარჩუნებული აქვს ქართული, ძველი, ტრადიციული გემოები, რაც ასეთი მნიშვნელოვანია ოჯახის თითოეული წევრისთვის.
პროდუქციის შეძენა შესაძლებელია მთელი საქართველოს მასშტაბით, როგორც მსხვილი სუპერმარკეტების ქსელებში, ასევე უბნის მაღაზიებშიც. გარდა ამისა, კომპანია „სადილი“ ამარაგებს საქართველოს ძალოვან სტრუქტურებსაც.
როგორც იცით, ახლახან მოხდა „სადილის“ რებრენდინგი. შეიცვალა ეტიკეტი და დაემატა რამდენიმე პროდუქტი, რომლებიც სულ მალე ჩაეშვება გასაყიდად. სამომავლოდ, იგეგმება საწარმოს გაფართოება და ახალი პროდუქციის შექმნა, მაგალითად, თევზის პროდუქტების დამატება. იგეგმება ასევე ექსპორტზე გასვლა. პირველი ნაბიჯი კი კანადაში სოკოს პროდუქტების გატანა იქნება. „სადილი“ თავის ერთგულ მომხმარებელს ბევრ საინტერესო სიახლეს ჰპირდება.
