რამდენიმე საათის წინ, ცნობილი გახდა რომ პრინცმა ჩარლზმა შვილისგან – პრინცი ჰარისგან ჯერ კიდევ მისი და მეგან მარკლის სკანდალური ინტერვიუს ეთერში გასვლამდე ემოციური შეტყობინება მიიღო, რომელიც თითქოს ამ ინტერვიუს გამართლებას ემსახურებოდა სასექსის ჰერცოგის მხრიდან.
აღნიშნული ამბის შესახებ Vanity Fair-თან სამეფო ოჯახის რეპორტიორმა – კეტი ნიკოლმა ისაუბრა.
“ჰარი ელექტრონულ ფოსტაზე წერდა მამას, რათა განემარტა მიზეზები, რომელთა გამოც მეგან მარკლმა და მან ეს ინტერვიუ ჩაწერეს. ჩარლზი, მისი მეგობრების თქმით, საშინლად იმედგაცრუებული იყო,” – აღნიშნა მან.
შეგახსენებთ, რომ პრინცმა ჰარიმ ინტერვიუში რამდენიმე აქამდე უცნობი დეტალი გააჟღერა, რომელთაგანაც ერთ-ერთი მამის მხრიდან მის ზარებზე იგნორია, ხოლო მეორე შვილს – არჩის ეხება, რომლის მიმართაც სამეფო ოჯახს რასისტულ დამოკიდებულებაში დაედო ბრალი.
