#OK! საინტერესო შემოთავაზებები Tako Kopadze Makeup Studio-სგან

Tako Kopadze Makeup Studio გთავაზობთ ხარისხიან, თქვენს სურვილებსა და გემოვნებას მორგებულ უსაფრთხო მომსახურებას. აქ მოსულთ დაგხვდებათ პროფესიონალთა გუნდი, რომელიც მრავალფეროვან მომსახურებას შემოგთავაზებთ. დეტალური ინფორმაციისთვის OK! გაესაუბრა ვიზაჟისტ თაკო კოპაძეს, რომელიც სამომავლოდ გეგმავს მაკიაჟის გაკეთების შემსწავლელი კურსების ჩატარებას.

გვესაუბრეთ Tako Kopadze Makeup Studio-ს შექმნის შესახებ.

უპირველეს ყოვლისა, მსურს, რამდენიმე სიტყვით ვისაუბრო, ჩემ შესახებ. ბავშვობის შემდგომ, ვფიქრობ, ყველა ადამიანს აქვს ჰობი, გატაცება, თუმცა, ყველას არ აქვს იმის ბედნიერება, რომ ეს ყველაფერი საკუთარ საქმიანობად აქციოს. ამ კუთხით ვთვლი, რომ ძალიან გამიმართლა, რადგან შესაძლებლობა მაქვს საკუთარი თავის რეალიზება ისეთ საქმეში მოვახდინო, რომელიც ძალიან მიყვარს. ლონდონში “Delamar Academy of Make-up & Hair” – ის დამთავრების შემდეგ მქონდა ბევრი შემოთავაზება ინგლისური კომპანიების მხრიდან, თუმცა საქართველოში ჩამოსვლა გადავწყვიტე. ქართველებს საოცრად დახვეწილი გემოვნება გვაქვს და ძალიან გვიყვარს საკუთარ სილამაზეზე ზრუნვა, სწორედ ამიტომ, მსურდა ჩემი გამოცდილება ჩემივე ქვეყნისთვის გამეზიარებინა. თბილისში ჩამოსვლისთანავე ვითანამშრომლე არაერთ ფოტოგრაფსა და მოდელთან, შევიძინე უამრავი ახალი კონტაქტი სხვადასხვა სფეროებიდან და კიდევ უფრო მეტად დავრწმუნდი, რომ ბედნიერი მომხმარებლების სახეები ჩემთვის სრული ენდორფინია. ნელ-ნელა მაკიაჟზე ადგილის დაჯავშნასთან ერთად იზრდებოდა სურვილიც, რომ შემექმნა სივრცე, რომელშიც მომხმარებლები შეძლებდნენ პარალელურად თმისა და ფრჩხილების მოწესრიგებასაც. შესაბამისად, შემიძლია თამამად ვთქვა, რომ ჩემი უსაყვარლესი მომხმარებლები გახდნენ მთავარი ინსპირაციის წყარო, გამეკეთებინა კონცეფცია, რომელშიც მაკიაჟთან ერთად იქნებოდა თმისა და ფრჩხილების მოსაწესრიგებელი სერვისებიც.

რა სახის მომსახურებას სთავაზობთ კლიენტებს?

Tako Kopadze Makeup Studio-ში შეგიძლიათ გაიკეთოთ, როგორც საღამოსა და დღის მაკიაჟი, ისე შეარჩიოთ სასურველი look გადაღებებისთვის, სცადოთ ედიტორიული სტილი. რაც შეეხება თმის მოწესრიგების სერვისებს, თქვენ დაგხვდებათ პროფესიონალი სტილისტებისგან დაკომპლექტებული გუნდი, რომლებიც დაგეხმარებიან შეიჭრათ, დაივარცხნოთ ან სასურველ ფერზე შეიღებოთ თმა. სპეციალისტებს თვეების განმავლობაში გულდასმით ვარჩევდი, რადგან მომხმარებლის კომფორტი ჩემთვის უმთავრესი პრიორიტეტია. შედეგად, სტილისტების მსგავსად ფრჩხილის პროფესიონალებიც, თავისი საქმის უბადლო მცოდნეები გვყავს. ისინი დაგეხმარებიან გაიკეთოთ კლასიკური მანიკური/პედიკური, გელ-ლაქი ან დაგრძელება. ყოველთვის მაწუხებდა სხვა ბევრ სალონში არსებული სტერილიზაციის პრობლემა და აუცილებლად მინდა აღვნიშნო ისიც, რომ ჩვენთან სამუშაო იარაღები ავტოკლავით სტერილდება 134 გრადუსზე, რაც უსაფრთხოების სრულ გარანტს იძლევა.

რა არის ის მთავარი ნიშა, რაც Tako Kopadze Makeup Studio-ს გამოარჩევს?

ზოგადად სილამაზის ინდუსტრია თბილისში საკმაოდ კონკურენტუნარიანია. სანამ სტუდიოს გავხსნიდი, ვცდილობდი სიღრმისეულად შემესწავლა კონკურენტები, მათი დადებითი და უარყოფითი მხარეები. პარალელურად ვაკვირდებოდი მომხმარებელთა მოთხოვნილებებს. საბოლოოდ, მივხვდი, რომ ქართველ მომხმარებელს სურს, მიიღოს ხარისხიანი სერვისი ხელმისაწვდომ ფასად. Tako Kopadze Makeup Studio-ში არსებული პროდუქცია უმაღლესი ხარისხისაა და დარწმუნებული ვარ არცერთი ტიპის მომხმარებელს დატოვებს გულგრილს. პანდემიის პირობებში, ყველაზე მნიშვნელოვანი მაინც უსაფრთხოებაა, რაც ჩვენთან პირნათლად არის დაცული. ვიყენებთ მხოლოდ ერთჯერად სამუშაო იარაღებს, მაგალითად, ერთჯერად ტუშის ფუნჯებს, ტუჩსაცხის წასასმელებს, ქლიბებს, ავტოკლავით ვასტერილებთ იარაღებს და ა.შ.

გვესაუბრეთ იმ პროდუქციასთან დაკავშირებით, რომლებსაც პროცედურების დროს მოიხმართ.

მაკიაჟისთვის ყოველთვის უმაღლესი ხარისხის პროდუქციას ვიყენებ. საყვარელი ბრენდებიდან გამოვარჩევდი Charlotte Tilbury, Patrick Ta Beauty, Chanel, Dior, Nars, Bobby Brown და Armani-ს. თმის პროცედურებისთვის Loreal-ის პროდუქციას მოვიხმართ, ხოლო ფრჩხილებს უმაღლესი ხარისხის გელ-ლაქებით Luxio და CND-ით ვაკეთებთ.

სამომავლო გეგმები.

სამომავლოდ უამრავი გეგმა მაქვს და ახლა ერთ-ერთს გაგიმხელთ. უდიდესი მოთხოვნიდან გამომდინარე, გადავწყვიტე გავაკეთო მაკიაჟის შემსწავლელი კურსები, რომლის ფარგლებშიც მოსწავლეებს ექნებათ საშუალება გაიარონ ისეთი საკითხები, როგორიცაა სახის მომზადება მაკიაჟისთვის, სხვადასხვა ტიპის მაკიაჟი და მათი შერჩევა სახის ფორმის, თვალის, კანის ფერის მიხედვით, მომხმარებელთან ურთიერთობის ტექნიკები და სხვა უამრავი აუცილებელი თემა, რომელიც კურსის მონაწილეებს დაეხმარებათ პროფესიონალ ვიზაჟისტებად ჩამოყალიბებაში. ასევე, მინდა Self-makeup კურსების დამატება იმ ადამიანებისთვის, რომლებსაც სურთ, ისწავლონ მაკიაჟის კეთება მხოლოდ საკუთარ თავზე, შეითვისონ ის ხრიკები, რომლებიც დაეხმარებათ კიდევ უფრო გალამაზდნენ.