„რონიკო“ ლიდერი ოპტიკური კომპანიაა ქართულ ბაზარზე, რომელსაც გასულ წელს დაარსებიდან 25 წელი შეუსრულდა! ყველაზე დიდი ოპტიკური ქსელი, ბრენდების ყველაზე ფართო არჩევანი, სათვალეების, კონტაქტური ლინზებისა და სასათვალე ლინზების ყველაზე დიდი სპექტრი, ოპტიკური სერვისები, ოფთალმოლოგიური კაბინეტები, ლაბორატორიები, ოპტიკოსების მოსამზადებელი ტრენინგ-ცენტრი, ოფიციალური დისტრიბუტორობის საერთაშორისო სერტიფიკატები − ეს და მრავალი სხვა, კომპანიის 25-წლიანი საქმიანობის შედეგია! კომპანიის შესახებ გვესაუბრება „რონიკოს“ ფლაგმანი მაღაზიის მენეჯერი, ოპტიკის სფეროს 20-წლიანი გამოცდილების მქონე ექსპერტი, ქალბატონი ნათია სურგულაძე.
გვესაუბრეთ კომპანიის მიღწევებზე, თქვენს ასორტიმენტზე და შესაძლებლობებზე.
„რონიკოს“ ერთ-ერთი მნიშვნელოვანი მიღწევა მსოფლიოს წამყვან ოპტიკურ კომპანიებთან თანამშრომლობაა. ოპტიკური პროდუქციის ყველა სეგმენტში − მზის სათვალეები, ოპტიკური ჩარჩოები, სასათვალე ლინზები თუ კონტაქტური ლინზები, ჩვენ ვთანამშრომლობთ საუკეთესო, ლიდერ მწარმოებლებთან. მაგალითად, Luxottica-ჯგუფთან პარტნიორობის შედეგად, საქართველოში შემოგვაქვს ისეთი ბრენდები, როგორებიცაა: RAY-BAN, GIORGIO ARMANI, PERSOL, PRADA, DOLCE GABBANA, VERSACE და მრავალი სხვა. ექსკლუზიურად ვთანამშრომლობთ საიუველირო ბრენდებთან: CARTIER და CHOPARD. ზოდადად, მხოლოდ სათვალეების სეგმენტში 80-მდე საერთაშორისო ბრენდია ჩვენს პორტფოლიოში და მათი ჩამოთვლა შორს წაგვიყვანს, თუმცა, რაც აუცილებლად მსურს აღვნიშნო, არის ის, რომ პარტნიორებთან ჩვენი მაღალი რეპუტაციის დამსახურებით, სათვალეების კოლექციებს ყოველ ორ კვირაში ერთხელ ვიღებთ და ვაახლებთ. ქართველ მომხმარებელს ჩვენ მუდმივად ვთავაზობთ უახლეს, საუკეთესო და ყველაზე ექსკლუზიურ კოლექციებს. თუნდაც მხოლოდ 2020 წელს, ამ ფილიალში შემოვიტანეთ ბრენდები: MONCLER, LONGINES, OMEGA, DITA, რომლებმაც დიდი მოწონება დაიმსახურა. რაც დღეს შეგიძლიათ იხილოთ პარიზის, მილანისა თუ ლონდონის წამყვან ოპტიკურ სალონებში, ანალოგიური მოდელები გვაქვს „რონიკოს“ მთელ ქსელში − თბილისში, ბათუმსა და ქუთაისში. ზოგადად, ვფიქრობ, ჩვენ სწორედ მოქნილობა და მომხმარებლის მოთხოვნებზე მარტივად „მორგებადობა“ გამოგვარჩევს. ასეთივე მოქნილობით ვქმნით და ვთავაზობთ მომხმარებლებს სპეციალურ, სეზონურ აქციებს სხვადასხვა ბრენდსა თუ სერვისებზე. ჩვენ განსაკუთრებული ყურადღებით ვეპყრობით და ექსკლუზიური პირობებით ვანებივრებთ ჩვენს ლოიალურ მომხმარებლებს, რომელთა რიცხვი საკმაოდ მაღალი და მზარდია.
კონტაქტური ლინზები ძალზე მოთხოვნადი გახდა დღეს. ამაზე რას გვეტყოდით?
დიახ, კონტაქტურ ლინზებზე მოთხოვნა წლიდან წლამდე იზრდება, რაც ამ მიმართულებით „რონიკოს“ მრავალწლიანი საქმიანობის შედეგია. სხვადასხვა საინფორმაციო თუ სარეკლამო კამპანიის მეშვეობით, ჩვენ ავამაღლეთ ცნობიერება კონტაქტური ლინზების მიმართულებით და შედეგმაც არ დააყოვნა! დღეს მომხმარებელს ვთავაზობთ მსოფლიოში საუკეთესო მწარმოებლების პროდუქციას − ALCON-ის, COOPER VISION-ისა და JOHNSON&JOHNSON-ის კონტაქტურ ლინზებს. ასევე, გვაქვს სიახლე − 2020 წლიდან თვალის წვეთების რეალიზაციას ვახორციელებთ. აქვე, დავამატებდი „რონიკოს“ შესაძლებლობებს სასათვალე ლინზების მიმართულებით. ჩვენს მომხმარებელს ვთავაზობთ იაპონური HOYA-ს და ფრანგული ESSILOR-ის საუკეთესო მინებს, ვიღებთ ინდივიდუალურ შეკვეთებს ნებისმიერი სირთულის სათვალეზე. „რონიკოს“ ლაბორატორიებში კი, რომლებიც უახლესი დაზგა-დანადგარებით არის აღჭურვილი, ხდება ოპტიკური სათვალეების დამზადება მაქსიმალური სიზუსტით და მომხმარებლის ინდივიდუალური პარამეტრების დაცვით.
როგორც ვიცით, „რონიკოს“ ფილიალებში მხედველობის გადამოწმებაც არის შესაძლებელი…
დიახ, რა თქმა უნდა! „რონიკოს“ თითქმის ყველა ფილიალში ფუნქციონირებს ოფთალმოლოგიური კაბინეტი. ჩვენი ექიმი-ოფთალმოლოგები მხედველობის დიაგნოსტიკისა და კორექციის საუკეთესო სპეციალისტები არიან! 2016 წელს კი, თბილისში, რუსთაველის 19-ში, გაიხსნა „რონიკოს“ ოფთალმოლოგიური ცენტრი, სადაც ხდება თვალის სრული კვლევა, დაავადებების გამოვლენა და მკურნალობა.
„რონიკოს“ გუნდზე მსურს გკითხოთ − როგორ აყალიბებს კომპანია გუნდს?
ეს ყველაზე საინტერესო პროცესია. კომპანია თავად ზრდის და ავითარებს გუნდის წევრებს. „რონიკოს“ ბაზაზე შევქმენით სპეციალური სასწავლო ტრენინგ-ცენტრი. ცენტრის კურსები ეფუძნება ლიცენზირებულ პროგრამებს, სასწავლო მოდულებს, რითაც ჩვენი საერთაშორისო პარტნიორები უზრუნველგვყოფენ და ეს მოიცავს ისეთ მიმართულებებს, როგორებიცაა: ოპტომეტრია, ოპტიკა, მომსახურების კულტურა, ბრენდების სტილისტიკა და ისტორია. ხოლო ჩვენი ექიმი-ოფთალმოლოგები მუდმივად გადიან სწავლებებს მხედველობის კორექციის ბოლო ტენდენციებისა და კონტაქტური კორექციის კუთხით. ეს პერმანენტული, უწყვეტი პროცესია, ვინაიდან სამედიცინო სფეროა და მედიცინა, იცით, რომ უსწრაფესი ტემპით ვითარდება. პროფესიულ ცოდნასთან ერთად, აქ მთავარია კომუნიკაციის უნარი და ზუსტი შეგრძნება, ვის როგორ უნდა დაელაპარაკო, რა შესთავაზო, რა ურჩიო. ჩვენი მომხმარებელი ძალიან გემოვნებიანია და ის განსაკუთრებულ მოპყრობას მოითხოვს. 25 წლის იუბილესთან დაკავშირებით, დავაჯილდოვეთ თანამშრომლები, რომლებიც „რონიკოში“ უკვე 23, 24 წელია მუშაობენ.
დაბოლოს, მაინც რა არის ეს აქსესუარი − სათვალე?
სათვალე ყველასთვის სასურველი სამკაულია! ის გვალამაზებს, განწყობას გვიმაღლებს, გვაბედნიერებს.
