ფეისბუქის რეკლამა მნიშვნელოვანი გზაა მსოფლიოს უდიდეს სოციალურ ქსელში თქვენს აუდიტორიასთან დასაკავშირებლად. გაინტერესებს, რამდენად დიდი ეს აუდიტორია? ამ სოციალურ ქსელს უკვე დაახლოებით 2,80 მილიარდი აქტიური მომხმარებელი ჰყავს.
“როგორ გააკეთო Facebook რეკლამა?” ეს თითქოს მარტივი, თუმცა რეალურად არც თუ ისე იოლი კითხვა საკმაოდ ხშირად ისმის დამწყები სოციალური მედია მარკეტერებისგან. ამიტომ, გადავწყვიტეთ, ამ ბლოგში დეტალურად და ეტაპობრივად მოგიყვეთ, როგორ გავაკეთოთ რეკლამა.
- შედი შენს სარეკლამო ანგარიშზე
ამ გვერდზე მოხვედრა შეგიძლია როგორც შენი პირადი Facebook გვერდიდან, Ads Manager ღილაკზე თითის დაჭერით და აირჩიე ის ანგარიში, რომელიც უკვე გახსენი Business Manager-ში.
- მიჰყევი სარეკლამო კამპანიის სტრუქტურას
შეიძლება უკვე იცი, მაგრამ მაინც შეგახსენებთ, თუ რა ეტაპებისგან შედგება სარეკლამო კამპანიის სტრუქტურა. ის ასე გამოიყურება:
- Campaigns (კამპანიები)
- Ad sets (სარეკლამო ჯგუფები)
- Ads (რეკლამები)
კამპანიის გასაშვებად, პირველ რიგში დააჭირე მწვანე “Create” ღილაკს და აირჩიე რეკლამის შენთვის სასურველი მიზნიდან ერთ-ერთი.
- შეავსე შექმნილი სარეკლამო ჯგუფის პარამეტრები
პირველ რიგში, მიუთითე კამპანიის სახელი, გადადი სარეკლამო ჯგუფის გვერდზე და იქაც მიუთითე სასურველი სახელი. შემდეგ, მიუთითე კამპანიის დღიური ან სრული ბიუჯეტი და მისი დაწყებისა და დასრულების თარიღები.
შემდეგი ეტაპი უკვე სასურველი აუდიტორიის შექმნაა, რომელზეც რეკლამის გაშვება გინდა. სურვილის შემთხვევაში, შეგიძლია შეარჩიო ე.წ. Custom Audiece, ანუ იმ მომხმარებლების ბაზა, რომელსაც თავად ამატებ აუდიტორიებში. ან უბრალოდ მიუთითე აუდიტორიის ლოკაცია, ასაკი და მათი ინტერესები, რომელიც პოტენციური მომხმარებლების პოვნას უფრო გაგიმარტივებს.
- შეარჩიე რეკლამის განთავსების ადგილები
მას შემდეგ რაც ზემოთ ჩამოთვლილ პარამეტრებს მიუთითებ, უკვე უშუალოდ რეკლამის განთავსების ეტაპი მოდის. შეგიძლია მიუთითო ავტომატური განთავსება, რომლის შემთხვევაშიც Facebook თავად გადაანაწილებს ბიუჯეტს იმ განთავსებებზე, რომლებიც ყველაზე დიდი ალბათობით მოგიტანს საუკეთესო შედეგს. ან, მონიშნე მანუალური განთავსება და ხელით აირჩიე, რომელი განთავსებების გამოყენება გინდა Facebook-ის ეკოსისტემიდან.
- გადადი რეკლამების გვერდზე და დაიწყე მისი აწყობა
რეკლამის გვერდზე სახელის მითითების შემდეგ, შეგიძლია აირჩიო არსებული პოსტის რეკლამაში გაშვება, ან მისი სრულიად ახლიდან, 0-დან შექმნა. თუ რეკლამას იქვე აწყობ, უბრალოდ ატვირთე სასურველი ფოტო ან ვიდეო კონტენტი და ჩაწრე ტექსტი, რომელიც ვიზუალს გაჰყვება, ანუ ე.წ. “Copy”. ასევე, აუცილებლად მიუთითე რეკლამის სათაური და სათაურის ქვედა ტექსტი, ანუ აღწერა. ასევე, არ დაგავიწყდეს სასურველი ბმულის მითითება, რომელიც რეკლამაში გამოჩნდება და შეარჩიე სასურველი “call to action” ღილაკი.
სულ ესაა! უბრალოდ დააფაბლიშე რეკლამა ან გათიშე დროებით, სანამ მის გაშვებას გადაწყვეტ, რადგან Facebook შენ მიერ შეყვანილ ინფორმაციას ავტომატურად დაიმახსოვრებს.
აქვე, თუ გინდა, გაიარო სოციალური მედიის კურსი და უფრო დეტალურად ისწავლო ეფექტური სარეკლამო კამპანიების გაშვება, გადადი Digitalhub.edu.ge-ს ვებგვერდზე და გაეცანი ირაკლი ჩხეიძის ონლაინ კურსის კურიკულუმს, რომელიც ამ პროფესიაში წარმატების მიღწევაში და სასურველი ბიზნეს შედეგების მიღებაში აუცილებლად დაგეხმარება.
