OK! გაესაუბრა დიზაინერ თეო თავდგირიძეს. იგი მომხმარებელს მაღალი ხარისხის, სიყვარულით შექმნილ ტანისამოსს სთავაზობს როგორც ქალბატონებისთვის, ისე ბავშვებისთვის. მისთვის მთავარია საკუთარი პროდუქციის ყველასათვის ხელმისაწვდომობა და ის ორიგინალურობა, რომელიც თვალისმომჭრელს ხდის მის თითოეულ კოლექციას.
გვიამბეთ თქვენი საქმიანობის შესახებ.
ჩემი საქმიანობა მრავალფეროვანი, საინტერესო, რთული და საპასუხისმგებლოა. ატელიე 2011 წელს გავხსენი. მას შემდეგ კი ძალიან რთული და საინტერესო გზა გამოვიარე დღემდე. ეს მთელი ჩემი ცხოვრებაა, რომელსაც ვერასოდეს დავთმობ. ასჯერ რომ დავიბადო, მაინც ამ საქმეს გავაკეთებ. ჩემ მიერ შექმნილი პროდუქცია მოიცავს მრავალფეროვნებას. არ მაქვს ერთი კონკრეტული მიმართულება, ვქმნი ყველაფერს ქალისა და ბავშვისთვის. აღსანიშნავია, რომ ძალიან დიდ ყურადღებას ვაქცევ ხარისხს და თითოეული მომხმარებლის გემოვნებას.
გვესაუბრეთ იმ პროდუქციის შესახებ, რომელსაც მომხმარებელს სთავაზობთ.
ვცდილობ, შევქმნა კომფორტული და სასიამოვნო სამოსი. დიდ ყურადღებას ვაქცევ ქსოვილებს. სამწუხაროდ, არ გვაქვს ის ფუფუნება, რომ მრავალფეროვანი არჩევანი გვქონდეს. მიუხედავად ამისა, ხშირად უცხოეთიდან შემომაქვს მასალა და ვცდილობ, ისეთი სამოსი შევქმნა, რომელიც თვალს ადვილად ამახსოვრდება, რაც, ჩემი აზრით, ჯერჯერობით გამომდის კიდეც. სწორედ ეს არის ის მთავარი ნიშა, რაც ჩემს სამოსს გამოარჩევს.
გვესაუბრეთ თქვენი შოურუმის შესახებ.
ჩემი შოურუმი ბათუმში, „მეტრო სითის“ სავაჭრო ცენტრშია. მომხმარებელს ვთავაზობთ ძალიან მრავალფეროვან არჩევანს და ხელმისაწვდომ ფასებს. ვცდილობ, დღევანდელ ბაზარზე შექმნილი ვითარებიდან გამომდინარე, პროდუქციაზე ყველას მიუწვდებოდეს ხელი, რაც ჯერჯერობით გამომდის კიდეც.
როგორ შეუძლია მომხმარებელს თქვენი პროდუქციის შეძენა?
შექმნილი სიტუაციიდან გამომდინარე, სამწუხაროდ, ყველაზე მეტად ეს სფერო დაზარალდა. თუმცა იმისთვის, რომ შეძენის პროცესი გაგვემარტივებინა მომხმარებლებისთვის, მათ შევთავაზეთ მაღაზია როგორც ონლაინ, ისე „მეტრო სითის“ მოლში.
სამომავლო გეგმები.
სამომავლოდ, ძალიან ბევრ გეგმას ვსახავ. მინდა, რომ გავაფართოო და უფრო მასშტაბური გავხადო ჩემი პროდუქცია. მსურს, საზღვარგარეთ მოდის სხვადასხვა კვირეულში მივიღო მონაწილეობა. რამდენიმე ქვეყანაში უკვე ვიყავი კიდეც, რადგან განვითარებისთვის აუცილებელია მსგავს ღონისძიებებში მონაწილეობეს როგორც დამწყები, ისე შემდგარი დიზაინერი. ჩემი ოცნება და სამომავლო გეგმაა საკუთარი პროდუქციის საზღვარგარეთ გატანა.
საკონტაქტო ინფორმაცია:
Instagram: teotavdgiridzeoficial.
Facebook: dezinger T.tavdgiridze
teo tavdgirize
ტექსტი: მარიამ მთივლიშვილი
