„არქი“ ლიდერი დეველოპერული კომპანიაა, რომელიც 15 წლის წინ შეიქმნა და არაერთი პროექტი წარმატებით განახორციელა. კომპანიას გამოარჩევს მომხმარებელზე მორგებული შეთავაზებები. „არქი“ ამჟამად 18 000-ზე მეტ მცხოვრებელს, „არქელს“ ითვლის და მათ ყოველთვის საუკეთესო მომსახურებას სთავაზობს. დეტალური ინფორმაციისთვის OK! გაესაუბრა „არქის“ გენერალურ დირექტორს, შიო ხეცურიანს.
გვიამბეთ „არქის“ მიმდინარე პროექტების შესახებ.
„არქიმ“ წარმატებით განახორციელა 29 პროექტი და ახლა მიმდინარეობს 21 მშენებლობა. ფაქტობრივად, თბილისის ყველა უბანში ვართ წარმოდგენილნი. წელს დავიწყეთ შემდეგი საცხოვრებელი კომპლექსების მშენებლობა: „არქი დიღომი 3“, „არქი იასამნები“ მუხიანში და „არქი კიკვიძის ბაღი“ ნაძალადევში. ჩვენთვის მნიშვნელოვანია, „არქელებს“ ჰქონდეთ ნდობა ჩვენი კომპანიის მიმართ. შესაბამისად, ორიენტირებულნი ვართ ზუსტად დათქმულ ვადებში სამუშაოს უმაღლესი ხარისხით შესრულებაზე. აღსანიშნავია ისიც, რომ თბილისის გარდა, მიმდინარე პროექტები გვაქვს ბაკურიანში, ხოლო ბათუმში გვაქვს უკვე დასრულებული პროექტი. სამომავლოდ კი უფრო ფართო არეალის მოცვას ვაპირებთ.
გაგვაცანით „არქის“ სპეციალური შეთავაზებები.
ამ ეტაპზე მოქმედებს სააღდგომო აქცია, რომელიც გაგრძელდება 10 მაისამდე. მომხმარებლებს, რომელთაც აქვთ ბინის შეძენის სურვილი, „არქიში“ შეუძლიათ ისარგებლონ განსაკუთრებული შეთავაზებით: 12 000 ლარამდე ფასდაკლებით პირველადი შენატანის გარეშე და 12 წლამდე განვადებით სურვილის შემთხვევაში.
რის მიხედვით ირჩევს „არქი“ ადგილს მშენებლობისთვის?
მშენებლობისთვის ლოკაციას ძირითადად მოთხოვნის შესაბამისად ვარჩევთ. ჩვენ ყოველდღიურად საკმაოდ ბევრი მომხმარებელი გვიკავშირდება. შესაბამისად, კარგად ვიცით მათი სურვილები და ყოველთვის ვითვალისწინებთ მათ. პირობითად, იმის მიუხედავად, რომ დიდ დიღომში გვაქვს 9 დასრულებული და 2 მიმდინარე საცხოვრებელი სახლი, მოთხოვნიდან გამომდინარე, წელს კიდევ ერთი კომპლექსის მშენებლობა დავიწყეთ. იმავეს თქმა შემიძლია მუხიანზე და „არქი კიკვიძის ბაღზეც“. „არქი კოხტას“ მშენებლობის დაწყებაც სწორედ მაშინ გადავწყვიტეთ, როდესაც მომხმარებლების მხრიდან გაჩნდა სურვილი, შეეძინათ ბაკურიანში „არქის“ ბინები.
რა სახის მასალას იყენებს „არქი“ მშენებლობისას?
აღსანიშნავია, რომ „არქის“ მიერ გამოყენებული სამშენებლო ბლოკი „იტონგი“ და დაბალემისიური მინები არის ენერგოეფექტური, რაც, დამეთანხმებით, ძალიან მნიშვნელოვანია, რადგან მათი მეშვეობით „არქელების“ ბინები ზაფხულში უფრო გრილია, ზამთარში კი თბილი. შესაბამისად, მათ შეუძლიათ დაზოგონ კომუნალური გადასახადები. ჩვენს შენობებს აგრეთვე გამოარჩევს გამოყენებული უმაღლესი ხარისხის არმატურა და ბეტონი. „არქის“ ფასადი და ლიფტებიც ყოველთვის პრემიუმხარისხისაა. ყოველივე ამით კი ვცდილობთ შევქმნათ მაქსიმალურად ხარისხიანი ბინები და საცხოვრებელი გარემო ჩვენი მცხოვრებლებისთვის.
კომპანიის სამომავლო გეგმები…
ჩვენი კომპანია მუდმივად ცდილობს განვითარებას. გვსურს, ყველა „არქელს“, ვინც გვენდო და ბინა შეიძინა ჩვენს კომპანიაში, მათდამი მადლობა ჩვენ მიერ შეთავაზებული მაღალი ხარისხის მომსახურებით, მათზე ზრუნვით და სასიამოვნო სიახლეებით გადავუხადოთ. ასევე, თითოეულ პოტენციურ მომხმარებელს ვთავაზობთ მათზე მორგებულ პროდუქტსა და მომსახურებას. ამის ნათელი მაგალითია პანდემიის დასაწყისში შექმნილი უპრეცედენტო „არქის გარანტიის პროგრამა“, რომლის ფარგლებშიც მომხმარებლის შემოსავლის დაკარგვის შემთხვევაში, ჩვენ მას გადახდილ თანხას სრულად ვუბრუნებდით, ხოლო ბინის ფასის შემცირების შემთხვევაში, სხვაობას ვუნაზღაურებდით. ამასთან ერთად, „არქი“ მომხმარებელს ყოველთვის სთავაზობს გადახდის საუკეთესო პირობებს, მათ შორის − ბინის შეძენას პირველადი შენატანის გარეშე.
საკონტაქტო ინფორმაცია:
Facebook: არქი – Archi
032 2 602 602
ტექსტი: მარიამ მთივლიშვილი
