მომღერალი, ნოდიკო ტატიშვილი რომში იმყოფება, საიდანაც შთაბეჭდილებს #OK!-ს უზიარებს.
„ რომში პირველად არ ვარ, მაგრამ ყოველ ჩამოსვლაზე მგონია, რომ პირველად ვარ, ყველა ნახვაზე გაოცებული ვრჩები. ჩემთვის ეს ქალაქი არის ერთ-ერთი ყველაზე განსაკუთრებული და საყვარელი ადგილი, თავისი მნიშვნელობით და კულტურით. ძალიან მენატრებოდა აქაურობა და ვფიქრობ, რომ ფანტასტიკური არდადეგები მოვუწყვე საკუთარ თავს. “
მომღერალმა, მოგზაურობისას დიდი ხნის ოცნება აისრულა და ქალაქ ბარიში ქართულ სამრევლოს ესტუმრა:
„ასევე, აქ სტუმრობისას ავისრულე ჩემი სანუკვარი ოცნება, ვიყავი ქალაქ ბარიში წმ.ნიკოლოზის საფლავზე, მოვილოცე და დავუტოვე სურვილები. ამ ქალაქში არის ქართული სამრევლო , რომლის წინამძღვარიც არის ქართველი მოძღვარი, მამა მოსე, არაჩვეულებრივი ადამიანი, რომელმაც დამაკვალიანა.“
ნოდიკო ასევე, იტალიურ სამზარეულოზეც გვიზიარებს თავის შეხედულებას და მისი თქმით, ერთ-ერთ საუკეთესო რესტორანს გვირჩევს:
„რაც შეეხება სამზარეულოს… მე, როგორც გურმანი და გადარეული გემრიელ კერძებზე, მსოფლიოს თითქმის ყველა კულინარიული მარგალიტები მაქვს გასინჯული, მაინც მგონია, რომ როგორც ქართული სამზარეულოა გამორჩეული ინდივიდუალიზმით, ისეთივეა იტალიაც. რომში მაქვს ერთი გამორჩეული რესტორანი „Trattoria Tritone“, რომელიც 1884 წელს გაიხსნა პირველად და ჩემი ამ ქალაქში მოგზაურობა ვერ წარმომიდგენია ამ რესტორანში სტუმრობის გარეშე. იმის მიუხედავად, რომ რომში ბევრი კარგი რესტორანია, მგონია, ესე გემრიელად ვერსად ვერ შეჭამ. შემიძლია, დარწმუნებით ვთქვა, რომ ამ რესტორანში ყველაზე გემრიელი ტირამისუ აქვთ, სადაც კი ოდესმე მიჭამია.“
