ზოგჯერ პროფესიული გზა შინაგანი ძიების გაგრძელებაა. დღევანდელი ჩვენი რესპონდენტისთვის ექიმობა უფრო მეტია, ვიდრე მხოლოდ პროფესია, ეს არის შესაძლებლობა, გაიგოს, როგორ მუშაობს არა მხოლოდ სხეული, არამედ ცნობიერებაც. მან თავისი გამოცდილება ახალ ფილოსოფიად გარდაქმნა – კლინიკა „ჰატერმანი“ გახდა სივრცე, სადაც სხეული და ფსიქიკა პირველად იწყებენ გულწრფელ დიალოგს. გთავაზობთ საინტერესო ინტერვიუს მედიცინის დოქტორთან, ხათუნა ხორავასთან, საქართველოში ქართულ-ამერიკული კლინიკა „ჰატერმანის“ დამფუძნებელთან.
ქალბატონო ხათუნა, უპირველესად, გაიხსენეთ, რამ განაპირობა თქვენი პროფესიული არჩევანი?
ამ პროფესიის არჩევა შინაგანი ძიების ლოგიკური გაგრძელება იყო. თავიდან ავირჩიე ზოგადი ქირურგია, რადგან მინდოდა გამეგო, ადამიანის სხეული როგორც ზუსტი სისტემა, სადაც ყოველი დეტალი დაკავშირებულია სიცოცხლის ხარისხთან. ქირურგია იყო ადგილი, სადაც კონკრეტული მოქმედება იძლეოდა დაუყოვნებლივ შედეგს, მაგრამ მალევე მივხვდი, რომ ზოგჯერ სხეული საჭიროებს არა მხოლოდ სკალპელს, არამედ შიშისგან გათავისუფლებას, ნდობასა და აღდგენით შეხებას.
ამან მიმიყვანა სუბსპეციალობებთან პლასტიკურ ქირურგიასა და პროქტოლოგიაში, სადაც ფორმა, ფუნქცია და შინაგანი კეთილდღეობა ერთიანდება. თითოეულმა მიმართულებამ მასწავლა, რომ ჯანმრთელობა არ იწყება ოპერაციით და არ მთავრდება მკურნალობით, ჯანმრთელობა არის ცნობიერების ფორმა.
შემდეგში, როცა თავად შევეჯახე წონის კორექციის სირთულეს, გავეცანი ჰატერმანის სკოლას. საკუთარი გამოცდილება იქცა გარდამტეხ ეტაპად, ახლის დასაწყისად – ეს არ იყო მხოლოდ კილოგრამების დაკლება, მე დავიბრუნე სხეულისადმი სიყვარული, ენერგია და მოტივაცია. სწორედ ამ გარდასახვამ მიმიყვანა იმ გადაწყვეტილებამდე, რომ თავად გავმხდარიყავი ჰატერმანის პროგრამის პროვაიდერი და შემექმნა კლინიკა, სადაც სხეული და ფსიქიკა ბალანსში იქნებოდა.
პროგრამის სრულად ათვისების შემდეგ დავამატე ენდოკრინოლოგია და ნუტრიციოლოგია, რათა ჰორმონული და მეტაბოლური მექანიზმების ცოდნა გამეხადა მკურნალობის განუყოფელ ნაწილად. მალევე გავაცნობიერე, რომ ფიზიოლოგიური ცვლილება შეუძლებელია ფსიქოლოგიური ჩართულობის გარეშე. სწორედ ამიტომ მივიღე ფსიქოთერაპიული განათლება და ინტეგრირებული მიდგომის საფუძველზე გავხდი ინტეგრირებული ფსიქოთერაპევტი, ტუტორი, ტრანსოლოგი, NLP ქოუჩი და ჰიპნოთერაპევტი, სუპერვიზორი და ტრენერთა ტრენერი.
რა იყო კლინიკა „ჰატერმანის“ შექმნის მიზანი?
„ჰატერმანი“ დაიბადა როგორც სივრცე, სადაც ადამიანი მოდის არა მხოლოდ მკურნალობისთვის, არამედ გარდაქმნისთვის. ჩემი ოცნება იყო, შემექმნა ადგილი, სადაც სამედიცინო, ემოციური და ფსიქოლოგიური დონეები ერთმანეთთან ჰარმონიაშია.
დღეს კლინიკა „ჰატერმანი“ აერთიანებს ფიზიოლოგიის ზუსტ მეცნიერულ ცოდნას და ფსიქოთერაპიის ღრმა ჰუმანურობას. ეს არის ადგილი, სადაც ადამიანი აღარ ემალება ტკივილს, არამედ იწყებს მასთან დიალოგს.
რას გულისხმობს ჰატერმანის პროგრამა და რას სთავაზობთ საზოგადოებას?
ჰატერმანის პროგრამა არის სხეულის და ფსიქიკის სინქრონული აღდგენის სისტემა, რომელიც აერთიანებს სამ მიმართულებას: ფსიქოთერაპიას, ენდოკრინოლოგიას და ნუტრიციოლოგიას. აქ თითოეული პროცესი ინდივიდუალურად მორგებულია ადამიანის ბიოქიმიაზე, ემოციებსა და ცხოვრების სტილზე.
პროგრამა მიზნად ისახავს არა მხოლოდ ფიზიკურ გარდაქმნას, არამედ შინაგან განთავისუფლებას, როცა სხეული აღარ არის ბრძოლის ველი, არამედ ხდება პარტნიორი.
ინოვაციური პროქტოლოგიური მიმართულება – ოპერაციის ალტერნატიული მანიპულაცია
კლინიკა „ჰატერმანის“ განსაკუთრებული სიამაყეა რევოლუციური, ინოვაციური პროქტოლოგიური მანიპულაცია, რომელიც ტარდება ბატონი რევაზ გაბაშვილის მიერ ჩემი ჩართულობით. ეს არის უნიკალური, ოპერაციის ალტერნატიული მიდგომა, რომელიც აერთიანებს თანამედროვე სამედიცინო ტექნიკას და ფსიქოფიზიოლოგიურ დაკვირვებას.
მეთოდი საშუალებას იძლევა განიკურნოს ჰემოროიდული კვანძები, ანალური ბზარები და ნაწლავის ლორწოვანი გარსის პროლაფსი დაუნდობელი ქირურგიული ჩარევის გარეშე. პროცედურა ტარდება უსაფრთხოდ, უმტკივნეულოდ და შედეგი ვლინდება უკვე პირველივე ეტაპზე, ადამიანი გრძნობს არა მხოლოდ ფიზიკურ შვებას, არამედ შინაგან სიმსუბუქეს.
ეს პროცესი ჰატერმანის ფილოსოფიის გაგრძელებაა – სხეულის მიმართ სიფრთხილე, გონების ჩართულობა და ფსიქოთერაპიული მხარდაჭერა. თითოეულ პაციენტთან მიდგომა ინდივიდუალურია, რადგან ვიცით, რომ ტკივილის უკან ყოველთვის იმალება ისტორია, რომელსაც სჭირდება მოსმენა.
რა გამოარჩევს „ჰატერმანს“ სხვებისგან და რატომ უნდა აირჩიოს საზოგადოებამ სწორედ თქვენი კლინიკა?
„ჰატერმანი“ განსხვავდება თავისი ინტეგრირებული ხედვით, აქ სამედიცინო ზუსტ ცოდნას ემატება ფსიქოთერაპიული სიღრმე და ადამიანური სითბო.
ჩვენ არ ვმუშაობთ შედეგზე, ჩვენ ვმუშაობთ მიზეზზე. ჩვენ არ ვცვლით სხეულს ძალით, არამედ ვეხმარებით მას, დაუბრუნდეს ბუნებრივ ბალანსს. „ჰატერმანში“ ადამიანი არ არის პაციენტი.
„ჰატერმანი“ დღეს არის არა მხოლოდ კლინიკა, არამედ ცნობიერების მოძრაობა, ადგილი, სადაც მეცნიერება, ემპათია და პროფესიონალიზმი ერთიანდება ადამიანის სრულყოფილი ჯანმრთელობისა და შინაგანი ჰარმონიისკენ. ის არის მონაწილე საკუთარ განკურნებაში.
გაგვიზიარეთ რამდენიმე რეკომენდაცია ჯანსაღი კვების რაციონის შედგენასთან დაკავშირებით
დაიწყეთ არა თეფშიდან, არამედ სარკიდან – მოუსმინეთ საკუთარ სახეს, თვალებსა და კანს, ისინი ყველაზე ზუსტად გეტყვიან, რისი დეფიციტი გაქვთ.
ჩართეთ ფერები თქვენს საკვებში, რაც უფრო მრავალფეროვანია თეფში, მით უფრო მდიდარია მიკროელემენტებითა და ენერგიით.
ნუ გამორიცხავთ სიამოვნებას საკვებიდან, რადგან ემოციური შიმშილი მხოლოდ მაშინ ჩერდება, როცა ტვინი იღებს სიამოვნებას.
დაბოლოს, ნუ ებრძვით საკვებს, ის არ არის მტერი. ის თქვენი ენერგიის ენაა, რომელიც უნდა ისწავლოთ სიყვარულით და მადლიერებით.
ტექსტი: სოფიო მალანია
ფოტო: ანიჩკა დვალიშვილი
